ياحادي الروح بين البوح والعبـره
-
ياحادي الروح بين البوح والعبـره
شيِ بسيطٍ على الدنيـا مصبرنـــــي
فإن كان لابد ينزف شاعرك حبـــره
أضمن لي الدمع ما ينزف وعبّرنـــي
كبرت حمول الزمان وقلّـت الدبـــره
وعيون الأحلام عميا مـا تدبرنـــي
ياطيب حزني معاي وصدقه وكبـــره
شف كيف بعيون خلق الله كبّرنـــــي
عزالله إنّي غديت بـ هالزمن خـــبره
من كثر ما كسّر ظنونـي وجبّرنـــي
هالقلب قفلٍ قديم وباقي بـ صبــره
مقدار مـا يكفـي الأيـام تقبرنــي
ما ظلّ بي حيل أعاشر قلب وأختـبره
طلّعني من الحديث الموجع أخبرنـــــي
هو باقي أحدٍ يحب الشعر وأعتبــره
الناقد اللي بعين الحرص يسبرنــــي
وإلاّ تنام الشـوارد غبـن منجبـره
ويدين الأقزام شرهتهـا تشبّرنـــي
تدري يطول الكلام وتخفت النبـــره
وأنا التعب للغياب بصدق يجبرنـــي
والبوح هتّاك ستر وداخلـي عبـــره
وشيٍ بسيطٍ على الدنيـا مصبرنــــي.!
رآقت لي ~
https://fbcdn-sphotos-d-a.akamaihd.n...93518507_n.png
©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى©
