وش جاك؟ يا مقفي ولا في يده حيل .. وحيل الله اقوى كانها حين فرقاك
السلام عليكم ورحمة الله وبركاته ..
أسعد الله أوقاتكم بكل خير ومحبه .. وسرور ..
مصافحة أتمنى لها القبول لديكم ...
لا تسجن عيونك ورى ظلمة الليل .. وتسكّـر ابواب النظر وألف شبّـاك
على جبينك حزن غنّـى مواويـــل .. ولبست ثوب الصمت وازريت لقراك
يا صاحبي يابو الرموش المظاليل .. لا اشتقت لك جيتك ولا جيت ملقاك
زهـّـبت لي الـدلـّة بليـّا فـنـاجـيل .. ومسّـكتني درب الهوى لا عدمناك
زرعت لك حبٍ بصدري مداهيل .. يكبر على حلم الطفوله ويرعاك
شفت النخل وان طال وان طال بيميل .. وان جيت له يا صاحبي يوم ذرّاك
لك في خفوقي قصر واطرافه نخيل .. تزهاك واللي ما بعد جاك يزهاك
وش جاك؟ يا مقفي ولا في يده حيل .. وحيل الله اقوى كانها حين فرقاك
وش جاك؟ يامن لاعني وطفف الكيل .. عذر التعب كثر المشي وطال ممشاك
وش جاك؟ وخل القشركة ابله للمقابــيل .. قلـّي عن البارح علومك ومسراك
سكّـرت عينك واعترتها هماليل .. وضحكت في وقتك براءه وبكّـاك
يا مجاذب حزونك على نجمة سهيل .. غفيت واذن فجر ربي وصحّـاك
قد قلت لي ان الهوى كذبة ابريل .. وقد قلت لك بيتٍ ولا اظنه اوفاك
انا احبك لكن الموت لاقيل .. يفداك في الدنيا وفي الموت يفداك
دمــــــــتـــــــــــــم بـــ خيـــــــر .. تحياتي
https://fbcdn-sphotos-d-a.akamaihd.n...93518507_n.png
©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى©
