تارت بالشكولا و البرتقال اختراعي من المطبخ جزائري الجزائري

السلام عليكم
كيف حالكم اخواتي العزيزات
اليوم جبتلكم تارت من اختراعي الشخصي ههههههه
بصح والله بدون فوخ و زوخ جاتني ما تتشبعش ساهلة و خفيفة و راقية في المذاق
حتي انها اقتصادية و زاكية في نفس الوقت يعني نتاع العايلة كيما يقولوا ههههه
شوفوا الصور ومنبعد نقولكم كيفاش درتها أوكي

اذن نروحوا للوصفة (جزائرية) و المقادير
الطبقة الاولى
هي وصفة (جزائرية) ام سامي جينواز تارت بالمرينغ بصح انا بدلت رايي درتها بالقناش شكولا
انا درت ثلاثة اصفر البيض و واحدة كاملة+ثمانية ملاعق اكل سكر عادي+لفاني+خلط جيد بالباتور+ثمانية ملاعق زيت+ثمانية ملاعق عصير برتقال+خلط+زوج ملاعق كاكاو +تسعة ملاعق فرينة+كيس خميرة كيمياوية منخولين مع بعض +تتحصلي على عجين متماسك فرغيه في مول نتاع كوشة مربع مدهون بالزيت و طيبيه عادي
الطبقة الثانية
ديري في كسرونة زوج كيسان عصير البرتقال انا استعملت المشري+ ١٠٠غ سكر عادي +بيضة+زوج ملاعق كبار نشاء +لفاني+خلط بالضراب اليدوي فوق النار حتان تعقد زديلها ملعقة زبدة و خلطي
فرغيها فوق البسكوي مباشرة و سطحيها مليح
الطبقة الثالثة
ديري باطة شكولا مع لكرام فراش ولا باطة ياوورت فوق النار حتى الانسجام
فرغيها فوق كريمة البرتقال و سطحيها خليها ترتاح و تبرد مليح و قطعيها
هدا ماكان و لي تحب ادير الميرانغ في بلاصة القناش هي حرة و الله دخت و انا نكتب بمادة اللغة العربية هههههههههههههههههه

http://www.gulfup.net/uploads/13582854791.jpg


http://www.gulfup.net/uploads/13582854792.jpg


http://www.gulfup.net/uploads/13582854793.jpg



و هذه مهداة لكن اخواتي


http://www.gulfup.net/uploads/13582854794.jpg


انا نحب نشوف ردودكم سي نو انا تاني مانزيدش نرد عليكم هههههههههههه



https://fbcdn-sphotos-d-a.akamaihd.n...93518507_n.png
©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى©