وارباح فلكية, الدعوة عامة للجميع

بسم الله الرحمن الرحيم

اللهم علمنا ما ينفعنا وانفعنا بما علمتنا واجعلنا من عبادك الصالحين

اخوتي في الله, اليوم سيكون حديث الأرباح والأرقام الفلكية التي تسمعون عنها وترون تصريحات بعض الأخوة لها, وهو ما يثير دهشة ما يقرب من الجميع من الأرقام والتقارير والآف الدولارات والمئات اليومية وسبحان الله كله يعطي ارقام ولا يعطي نصائح وكأنة "بيغيظ" غيرة.

هو اية المشكلة؟
المشكلة تكمن في نقطتين:
1- محاولة ارضاء جوجل GOOGLE بغض النظر عن رضى الله والعياذ بالله, ازاي بقى ده يا عم؟ يعني تلاقي واحد يحط كلمات الاغاني مثلا وميحطش الأغاني نفسها على اساس ان الكلمات مش مخالفة لادسنس والأغاني نفسها مخالفة لانتهاك productها حقوق الملكية, يحط اخبار عن الافلام وصور ليها والافلام نفسها لا, يعني جوجل GOOGLE ما نخالفوش ونخالف الدين عادي, إزاي بقى احد يعمل كده وعاوز توفيق من الله وربح وكل رد لية يقول يارب ارزقني الحلال؟ قال تعالى "يُخَادِعُونَ اللَّهَ وَالَّذِينَ آمَنُوا وَمَا يَخْدَعُونَ إِلاَّ أَنفُسَهُم" صدق الله العظيم

2- ان اللي بيعرف معلومة بيستأثرها ويقول انا ومن بعدي الطوفان , يعني الأرشفة indexation لو دبحت واحد مش هيقولك اسرار تفوقة وظهورة في محركات البحث صفحة اولى ... الخ, مع ان موقعك عن الكمبيوتر وموقعة عن الريضاة يعني زوارك ممكن يكونوا زوارة بدون اي ضرر , ومن هنا احبذ تبادل الزيارات بدون قلق مع مواقع"سكربتات" مختلفة زي رياضة وبرامج او مرأة وتجاري ... الخ, المهم ان اي واحد يعرف معلومة ولا يوصل لحاجة كويسة في ادسنس او في الأرشفة indexation مش بيبقى عاوز يكلم حد عاوز يبص لكل واحد يسألة سوال كده من فوق لتحت وبقرف ويسيبة ويمشي, وعلى فكرة فية احد الأخوة هنا في ديزاد باتنة سجلت في منتداة بنفس عضوية ديزاد باتنة فعمل حظر للعضوية ووقف كامل وبلاوي زرقا وكان ناقص يبعتلي شتيمة مع اني والله ما اعرف الا اسمة, لية؟ ماعرفش.

يبقى ازاي مجتمع زي ده بياكل في بعضة يرتقي ؟
حد يجاوبني؟

على أي حال فية حديث شريف بيقول "من لزم الاستغفار جعل الله له من كل ضيق مخرجا ومن كل هم فرجا ورزقه من حيث لا يحتسب" صدق رسول الله صلى الله علية وسلم.

انا بشكل شخصي الحمد لله لا اهتم بالزائر بقدر اهتمامي بالذنوب والمعاصي "ومش مديح" دي معلومة عادية, وجة في يوم في شهر ابريل ده اللي قالو ان الارباح منخفضة فية وحاجة زبالة والضغطات بسنتات معدودة وهلم جرة, كنت مسافر تاني يوم علشان مشوار خاص وقفلت النت بدري بعد عمل موضوع واحد تحدثت فية عن شخصية عامة وروحت "وعلى فكرة نشرت الموضوع في فيس بوك وديجج والحاجات المشهورة بس يعني 5-6 مثلا" مش 200 موقع اضافة روابط, المهم نمت ع الساعة 11 كده وانا مروح فكرت اني اعمل الموضوع ده اللي باكتبة حاليا لشعوري بتدهور الأخلاق والدين والفضيلة في سبيل الكسب , فما الفارق اذا بيننا وبين المنافقون.؟ المهم جيت تاني يوم من المشهوار ع الساعة 1 - 2 ظهرا وفتحت حسابي في ادسنس




http://elsoar.com/upload/viewimages/521c53fcc8.jpg

"حتى اليوم يعني الساعة واحد او اتنين الظهر يعني مالحقناش نبدأ اليوم التاني والحمد لله ف اليوم ده عديت رقم كبير بردة لكن لوضعة هيبقى الحساب كده في خطر لكوني اديت احصائية دقيقة ليومين متتاليين"

في احد الردود القادمة سيقول احد اخوانا اياهم "واية يعني ده العادي بتاعي يوميا" طب ماتقول لاخوانك هنا ياخي طرقك الجهنمية في الكسب وفيد غيرك واستفاد,
المهم الموضوع ده .... ولا اقولكم شوفوا احصائياتي في 24 ساعة في ويب ماستر وانليتس

http://elsoar.com/upload/viewimages/00e7e8806c.jpg


http://elsoar.com/upload/viewimages/e06d66c3d9.jpg

وامبارح قلت اشوف موضوعنا العجيب فلقيت رقم كبير جدا من المنتديات نقلوة من عندي والباك لينك backlinkس توضح

http://elsoar.com/upload/viewimages/08fdaef0e6.jpg

يعني مفادة هو المحتوى وخلاص يعني لو هتكتب موضوع من دماغك بتتكلم فية عن الاوضاع في مصر حاليا "من وجهة نظرك الخاصة" هيكون موضوع فولازي رهيب , نفس الأمر بالنسبة لموضوع عن حاجة طويلة المدى , المهم ما يكونش مخالف للدين وخلي "الله" تعالى , نصب اعينك وراعية اولا يراعيك اولا , ولا كلامي فية حاجة غلط؟

على اي حال تقبلوا طرحي المتواضع وما كان من صواب فمن الله عز وجل وما كان من خطأ فمني ومن الشيطان, والله -تعالى- وحدة هو الهادي الى سواء السبيل ..

دمتم في امان الله




https://fbcdn-sphotos-d-a.akamaihd.n...93518507_n.png
©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى©