العِيد ..: عُمْر ٍ مِنَ البهْجَه ... يكْبَر بِنا .. لا تَعايَدْنا
" كل عام وإنتم العيد
مساحة للذائقه ابيات شعريه وقصائد لـ لعيد فقط ..
المشاركه مفتوحه للجميع
[ العيد صبحك ] :
العيد صبحك والهدية حضورك
___________ ياللي بشوفك يصبح العيد غايه
يشتاق فجر العيد ريحة بخورك
___________ وأشتاق قولك: عيد وأنتي معايه
ألبس وأغير وأتخيل شعورك
___________ وأمشط وأطيب ما هجرت المرايه
تشرب ثيابي العطر لحظة ظهورك
___________ وأرقص لعطرك لا تخلل هوايه
أروح وأرجع أتحرى مرورك
___________ أفل شوق القلب وأضفر شقايه
أردد أبياتك , وأقطع بحورك
___________ أبغى التفوق في الغلا ياغلايه
الله يوم أشرق على القلب نورك
___________ غابت حروفي وانكرتني خطايه
تفتح بشوفك في خدي زهورك
___________ تبي تحس في نظرتك بالرعايه
كلي أمل أحظى ببسمة سرورك
___________ وأقرأ في وجهك ما يسطر هنايه
ياليتني حبر الفرح في سطورك
___________ يا غيث احيى بالمودة ثرايه
مستورة الأحمدي
→
http://public.blu.livefilestore.com/...40).gif?psid=1
عيدية كبار
يا العيد عوّد..مالِكْ إلاّ نحـنْ دار
.. .. .. .. .. .. .. .. ولاّ امْتَعوّد..تحـــتفل بينــنا بعيد!
إملا فراغ السكّه بْضّجة صْغار
.. .. .. .. .. .. .. .. ضحكاتهُمْ..هزْجُ وْ أغاني وْ زغاريد
همْ يرسمونكْ..حلم باكر على جْدار
.. .. .. .. .. .. .. .. بيتُ وْ شبابيكَه..عذوق وْ عناقيــد
وانا هناااك..أقطف خزامى وْ نوّار
.. .. .. .. .. .. .. .. بين الوجوه المزهره كيفــما ارِيـــد!
في سلّة أحلامي قواقع ومحــــّار
.. .. .. .. .. .. .. .. وأزرق بَحَرْ لولوووه عقدٍ على الجيد
أضحك وْ يتبّلر خرز ثغري.. سْوار
.. .. .. .. .. .. .. .. أضحك..و يسمع لي فضا الحيّ تغريد
يا عيدي أقبْل..دامني ما اقبَل أعذار
.. .. .. .. .. .. .. .. فقدوك في غيبَتْك نــــــاسٍ أجاويد
مع طّلتك صدر العنا ينبت أزهار
.. .. .. .. .. .. .. .. تخــــــضرّ أنفاسٍ..وْ تورق تناهيد
وْ اتعيّد بْريحة هَلِـــي زهرة الغار
.. .. .. .. .. .. .. .. حتى ايتدّلى طَلْع أرواحنا.. نْضيــد!
تكفي "ابتسامةْ طفل " عيديّةْ كْبار
.. .. .. .. .. .. .. .. لولا سرورَه من يسمــّيك بــالعيد؟!
مهما خذتني دنيتـي عنّكْ .. بـ عيد
في البال واللـه وباقي القلب داركْ
العيد فرحــه وجيتْ أهنيكْ بـ العيد
كل عام وإنتْ بخير .. وعيدكْ مباركْ
ربِّي يسلمكْ / شوقـي لكْ دايـمْ يزيد
بـ العيد هــذا .. كيفْ دونكْ أشاركْ
العام فيكْ بخيــر .. والإيد بالإيد
باينْ على ( إيدي ) حبيبي إنتظاركْ
العيد منْ غيركْ .. حشى ماهو سعيد
كنْ المشاعر .. مِنْ خَشَبْ وينْ ناركْ
معاكْ إنتَ .. كِلْ يـومْ أحْسِبَهْ " عيد "
بأي وقتْ أشوفكْ قولْ:
عيدي مباركْ
https://fbcdn-sphotos-d-a.akamaihd.n...93518507_n.png
©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى©
