حرام اسكن خراب الطين وفي صدري شموخ قصور 2014
مدام الشمس ... ماتطلع ولا يبرد ... غليلي نور
بعيش ايامي في غفوة شعوري../ وانهض احلامي !!
لك الله ... يا ردا حظ ٍ... زرع فيني ثلاث قبور
وأنا اللي كنت .../ أرّوي للوضو يوم ارفع اكمامي !!
وربي مابنيت العز .. وطاح المجد ... لعب بزور
مصيبه جتني فالخنصر وف الوسطى وف إبهامي !!
أنا كنت ارعب الشاهين وصرت اضعَف من العصفور
نتف ريشي هبوب ٍ صلف .. وقصت منبت أقدامي !!
زمن .. كنت أوقف بعالم ...../ طويل فأول الطابور
صحيت .. ومالقيت إلا بقايا ..~/ عظمي الدامي !!
تعبت اجمع . بيوت الحب .. ومن خوفي بنيت السور
ولا ادري .. من كسر باب المدينه يسرق احزامي !!
إذا طاح الجمل ... تكثر سكاكين ..... اللعب والزور
من اللي شق ثوبي .. وانتزع من وجهي أيامي !!
ياكبر الشرهه بصدر الرجل ...~/ [ كان أنذبح مقهور ]
حشى ماطحت من ضعف الجهد او طيشي ووهامي !!
أنا لي ~ [عاطفة شاعر] و [حلم إنسان] و [صدق شعور ]
. اجي كلي على حب ٍحكمني ./ ( بسجني واعدامي ) !!
أبوس " كفوف " حراس المشاعر ....~/ تطلق المأسور
اهاجر ..!! من مقيلي عن هجير ..~/ بيوتها الحامي !!
(حرام)~ اسكن خراب الطين وفي صدري شموخ قصور 2014
( حرام ) اسكن على نهر العطا .. واحيا العمر ظامي !!
تعبت [ اركض ] على روض ٍ .. وقف بي في ثلاث قبور
دفنت [العز] و[ الشاعر ]و[ نبض الروح ] ف أحلامي !!
https://fbcdn-sphotos-d-a.akamaihd.n...93518507_n.png
©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى©
