رائعه من روائع المبدع دائما سعد علوش
هذي قصيده بعنوان ’’ اخذيني ’’
للشاعر سعد علوش
من ارقى واجمل القصائد بالنسبه لي
كلمات جدا حزينه تعبر عن عشق ابدي ولو كان من طرف واحد ،، ممكن اعجبتني لاني عشتها بيت بيت شطر شطر
اخذيني
أخذيني اليـا عجبتـك بـس ردينـي
و أن ما عجبتك خلاص أخذيني ما بيني
مادامني شفت فيـك الطهـر و العفـه
باعيـف نفسـي ليامنـك كرهتـنـي
أخذيني لو اعتبر من ضمـن أشيائـك
و انــا بحـبـك ولا لازم تحبـنـي
لابي علاقه ولابـي نظـره و بسمـه
أحساسي اني بقربـك بـس يكفينـي
ولو ني انضفت لشيائك غصب عنـك
طلـي علـي يـا غناتـي لا تخلينـي
تراي لاجـا المصامـل مانـي بهيـن
تقـول كـن العـرب لعبـه بيديـنـي
شخصيتـي مـن غرابتهـا و طيبتهـا
كن الزمن في تحـدي بينـه و بينـي
أخذيني الشاعر اللي ما صـدق حظـه
لاقلت يا حـض وينـك قـال ياوينـي
أخذينـي المبـدع المتفلسـف التحفـه
مؤمن و تضحك على العالم شياطينـي
شهرة شكسبير و أفلاطـون وأنيوتـن
لا قلتلي بيت شعر تطيح مـن عينـي
أخذيني العنصري اللي صدق متعنصـر
من دون ربعي لـو أقطـع شرايينـي
أخذينـي اللـي ليامنـه طلـب يعطـا
و تكفيـن لامـن طلبتـك لا تردينـي
تكفين يـا غايتـي يـا بهجـة الدنيـا
أبحـرق قلـوب نـاس مـا تدانينـي
أخذينـي بكـل شـوق وقولـي أحبـه
و أن شككو فيـك وإلا فـي ضمينـي
قولي سعـد و الله انـه غالـي جـدا
و ياجعل فدوه شبابي و آخـر سنينـي
و انا بصـدق كلامـك و اعتـز بالله
وباقول للنـاس مـا يعنيـك يعنينـي
و أنا على نذر ما أرخص جيتك
و أنتي نذر على أرقبتـك انـك مـا تخلينـي
https://fbcdn-sphotos-d-a.akamaihd.n...93518507_n.png
©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى©
