تليتلي بطريقة سهلة بالخطوات المصورة من المطبخ جزائري الجزائري

السلام عليكم
كالعادة اليوم جبتلكم طبق رئيسي معروف جدا خاصة في الشرق الجزائري و هو التليتلي طبعا كاين لي يديروا مرق أحمر لكن على طريقتي نديروا أبيض يجي لذيذ جدا خاصة إذا قطعنالوا معدنوس أخضربكثرة في الأخير و منها نقصوا من إستهلاك الطماطم المصبرة لأنها تدمر المعدة
طبعا الكيفية مشروحةبالصور المفصلة من المطبخ جزائري الجزائري المتواضع
عندي كمية من التليتلي نقسمه على نصفين
http://im34.gulfup.com/YftCc.jpg
نحمص في مقلة ناشفة النصف و نترك النصف الآخر أبيض شوفو الصورة والفرق
http://im34.gulfup.com/KLPXG.jpg

نسخن في كاسرولة الماء حتى الغليان و نطفئ النار عليها ثم نفرغ التليتلي فيها ...نحركها ونغطيها و نخليها تتنفخ ...... في هذه الأثناء نحضر المرق

http://im34.gulfup.com/IDhFY.jpg

http://im34.gulfup.com/Kl3Lp.jpg

نحط في كوكوط :
طراف اللحم أو الدجاج +حبة بصل مقطع مربعات +ثوم مهروس + حبة طماطم مسكرفجة +التوابل :ملح+فلفل أسود + لفاح +قرصة قرفة + الزعفران+السمن +نقلي مليح و نضيف الحمص و الماء لكن مانكثروش خطرش نحتاجو غير شوية مرق و نخلوه يطيب

http://im34.gulfup.com/xvqoY.jpg

http://im34.gulfup.com/bFPes.jpg

http://im34.gulfup.com/K3azJ.jpg

والآن نرجعو للتليتلي نلقاوها طرات و ماهيش معجنة ... نصفوها في كسكاس و نخلوها تقطر.... ثم نفرغوها في صحن نديرولها شوية زيت و ندهنوها جيدا و نديروها تفور

http://im34.gulfup.com/31cf0.jpg

http://im34.gulfup.com/ey7Ek.jpg

http://im34.gulfup.com/pPVvg.jpg

http://im42.gulfup.com/m5Oqy.jpg

http://im42.gulfup.com/Efh3w.jpg

نفرغوها في صحن و ندهنوها بشوية زبدة ...الحق أنا ماندرلهاش لأنو المرق فيه دسم زيادة بصح هنا درتلهاباش نوريلكم الأصل و نخلوها حتى تطيب المرق .... شوفوا ماهيش معجنة و كل حبة وحدها و متتعبيش في التفوار المتكرر و مايديش الوقت
http://im42.gulfup.com/BeEvb.jpg

http://im42.gulfup.com/exrPL.jpg

ممبعد كي تطيب المرق ننزعو اللحم و هنا كاين 2 حالات :
في حالة الضيوف : نصفيو المرق من البصل و ننزعو الحمص و كويرات اللحم للتزيين الطبق و نحمروا اللحم
في حالة العائلة أي لدارك تنزعي فقط اللحم و تفرغي التليتلي في المرق و تخليه يتجمرو يشرب المرق مع التحريك من وقت لآخرباش ماتلصقش و تضيفي المعدنوس المقطع و تخلطي و طفي النار

أنا هنا كانت غير لداري فخلطت كلس بلا ماصفيت المرق

http://im42.gulfup.com/fSDor.jpg

http://im42.gulfup.com/xUECk.jpg

http://im42.gulfup.com/a8b9j.jpg

http://im42.gulfup.com/GYhwa.jpg

وهذه للضيوف بعد ماصفيت المرق و زينت بالحمص و كرات اللحم و حمرت الدجاج مممممممم

http://im42.gulfup.com/0dflb.jpg
إن شاء الله تجربوه بطريقتي لأنه لذيذ جدا و يحمر الوجه و مافيهش التعب و التفوار بزااااف
تحياتي لكل الأعضاء و الزائرين نقولهم أدعيولنا يالوكان دعوة صغيرة http://www.dzbatna.com/images/smilies/1.gifhttp://www.dzbatna.com/images/smilies/1.gifhttp://www.dzbatna.com/images/smilies/1.gif
سلااااااام



https://fbcdn-sphotos-d-a.akamaihd.n...93518507_n.png
©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى©

يسلموووووووووووووو اختى انا تانى نعملو هكدا.شكرا لك