طاجن لسان العصفور باللحمه من مطبخى بالصور
انهارده هنعمل طاجن لسان العصفور
باللحمه وهى اكله مصريه حلوة اووووووى وطعمه فعلا رائع
هو طبعا بيتعمل بالعكاوى وبيبقى خطير
بس العكاوى مش متوفره علطول ولازم توصى الجزار عليها فطبعا ممكن تستعيضى عنها باللحمه
المقادير
http://www.alarabyah.org/vb/imgcache/8881.imgcache
حوالى نصف كيلو لحمه مسلوقه
نصف سوى علشان هتكمل سواها
مع الطاجن
3 بصلات كبار مقطعين جوانح
4 فلفل رومى مقطع شرائح
3 فلفل حامى (مش اساسى للى يحب السبايسى )
2 طماطم مقطعه مكعبات
عصير طماطم مضروبه
ربع كيلو لسان العصفور
زيت او سمن
ملح وفلفل وكمون وبهارات وجنزبيل
وورق لورا وحبهان وشطه
الطريقه
http://www.alarabyah.org/vb/imgcache/8885.imgcache
اول حاجه طبعا هنحط البصل مع الطماطم
المقطعه والفلفل والتوابل مع بعضها وندعها كويس وبعدين نحط عليها اللحمه
المسلوقه شويه وشويه شوربه من بتاعه سلق اللحمه ونسيبها على النار من فوق تغلى غلوتين
بالشكل ده
http://www.dzbatna.com/vb/imgcache/12714.imgcache.jpg
وبعدين هنحمر لسان العصفور فى طاسه لوحده مع زيت او سمن ونضيفه على الخليط السابق
http://www.dzbatna.com/vb/imgcache/12715.imgcache.jpg
ونصبه فى الطاجن الفخار
ولازم الطاجن البلدى ده يا جماعه لانه هو الى بيدى الطعم المميز
وهو رخيص جدا ومتوفر فى كل مكان
وطبعا احنا محطنهوش على النار من فوق الاول علشان مش بينفع يتحط على
النار مبباشره لانه ممكن يتكسر لكن فى الفرن عادى مش بيجراله حاجه
هيبقى كده
http://www.dzbatna.com/vb/imgcache/12716.imgcache.jpg
وندخله الفرن علطول وكل شويه لو لاقيناه شرب المايه بتاعته نزوده من شوربه سلق اللحمه الى عندنا لغايه ما لسان العصفور يستوى والوش يحمر كده
http://www.dzbatna.com/vb/imgcache/12717.imgcache.jpg
وده شكله فى طبق التقديم
http://www.dzbatna.com/vb/imgcache/12718.imgcache.jpg
وده من قريب
http://www.dzbatna.com/vb/imgcache/12719.imgcache.jpg
يا رب يعجبكم ورمضان كريم
'h[k gshk hguwt,v fhggpli< 'vdrm ulg fhggpli
https://fbcdn-sphotos-d-a.akamaihd.n...93518507_n.png
©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى©