طريقتي اللي عملتها بشهر واحد وطلعت حاااامل الشهر هذا ولله الحمد

طريقتي اللي عملتها بشهر واحد وطلعت حاااامل الشهر هذا ولله الحمد



http://www.dzbatna.com/vb/images/smi...8-yds6b3uo.gif السلام عليكم ورحمة الله وبركاته http://www.dzbatna.com/vb/images/smi...8-yds6b3uo.gif

مثل مهو واضح من العنوان راح أقول لكم وش عملت الشهر اللي فات وطلعت حاااامل الشهر هذا ولله الحمد يعني بشهر واحد فقط , عسى ان هالشي يفيدكن وتطلعن كلكن حواااااامل باذن الله

أنا ماراح أطول عليكن بس بالبدايه أريد أقول لكن اني صار لي 9 شهور وأنا أتابع التبويض وابر تفجير وماصار حمل وآخر شهرين أخذت كلوميد والحين أنا حامل ولله الحمد والشكر وعقبالكن

نبدأ :
1- الدعاء في كل وقت وخصوصآ أوقات الاجابه مثل ( عند السجود , عند سماع الآذان , بين الآذان والاقامه , آخر ساعه من يوم الجمعه وطبعآ أنا كنت أصلي ركعتين وادعي بآخر ساعه من الجمعه , آخر ساعه قبل آذا الفجر وأيضآ كنت أصلي ركععتين وأدعي ) ودائمآ أقول بالسجود ربي لاتذرني فردآ وأنت خير الوارثين بكل صلاه 40 مره
وطبعآ لازم قلبك يكون حاضر وانتي تدعين وتدعين بأسماء الله وصفاته وباسمه الأعظم وتبكين في الدعاء وتبدأين بحمد الله وشكره والصلاة على النبي وتختمين الدعاء بنفس الشي علشان الله يستجيب لك .

2- صلاة الضحى .

3- كنت أصلي ركعتين قبل الجماع ب5 دقائق وأدعي لله .

4- وكنت أقرا على بطني ورحمي المعوذات وسورة الفاتحه بعد الجماع على طول وأنا نايمه على ضهري وحاطه مخده تحت حوضي ورافعه رجليني .

5- قراءة سورة الأنبياء والواقعه كامله يوميآ , وطبعآ اللي تريد تقرا أي سوره من القرأن بكيفها عادي لأن مافيه شي محدد ولكن أنا قلت السور اللي قريتهن الشهر اللي فات .

6- الاستغفار على طول وبكل وقت وبأي صيغه تبين المهم انه طالع من قلبك , أنا صيغة الاستغفار اللي قلتها الشهر اللي فات هي ( أستغفر الله وأتوب اليه من كل ذنب حجب عني الحمل والذريه الصالحه , أستغفر الله وأتوب اليه من كل ذنب حجب عني رضا الرحمن ) وعلى فكره أنا أخذت هذا الدعاء من المنتدى هذا بس مدري منهي اللي كانت كاتبته بس الله يجزاها أأأأأأألف خير .

7- استخدمت خلطه أخذتها من هذا المنتدى وحده كاتبه ان كل اللي استخدموها طلعن حوامل , فيه من أول شهر وأنا منهن ولله الحمد والشكر وفيه من ثاني شهر بس والله نسيت اسمها الله يجزاها أأأأأأألف خير والخلطه هي :
3فناجيل قهوه( كمون مطحون , قرنفل مطحون , حبه سوداء مطحونه , فلفل أسود مطحون , رشاد ولكن غير مطحون انتبهن مايصلح ينطحن) + 3ملاعق صغيره حلبه مطحونه .
تؤكل ثالث يوم بالدوره لآخر يوم بدورتك يوميآ يسف ملعقه كبيره من الخلطه وبعدين تشربين وراها كأس ماء وطبعآ ملعقه وحده على الريق يوميآ فقط .

8- وآخر شي حبيت أقول لكم اني استخدمت كلوميد حبه واحده لمدة 5 أيام ولكن بمتابعة الدكتوره لأن عندي ضعف يعني مهو أنا وصفته لحالي لالالالالالا لأنه ممكن يسبب تكيسات , وتابعت التبويض وقالت فيه بويضتين والحمدلله حملت .

أدري اني طولت عليكن بس قلت أكتب قصتي ووش عملت بشهر واحد وطلعت حااامل ولله الحمد والشكر لأن مثل ما استفدت حبيتكن كلكن تستفيدن وتطلعن حوااااامل ياااااارب

ومابي منكن الا الدعاء ان الله يثبت حملي ويتمم الحمل ويكون متعافي وأولد طبيعي وانهم يكونون توأم أولاد .

http://www.dzbatna.com/vb/images/smilies/rose.gifhttp://www.dzbatna.com/vb/images/smilies/rose.gifhttp://www.dzbatna.com/vb/images/smilies/rose.gifhttp://www.dzbatna.com/vb/images/smilies/rose.gifhttp://www.dzbatna.com/vb/images/smilies/rose.gifhttp://www.dzbatna.com/vb/images/smilies/rose.gif

https://fbcdn-sphotos-d-a.akamaihd.n...93518507_n.png
موضوع حصري لمنتديات شباب باتنة