*-* الفلفل المرقد على طريقة الجدود*-*من المطبخ جزائري الجزائري....
اhttp://up.dzbatna.info/uploads/13466273241.gif
في هذا الوقت من السنة يكون الفلفل بأسعار منخفضة قليلا بحيت تقدري تعملي كميات و تخبيها لرمضان مثلا
لذلك جبتلكم هذه الطريقة
هي طريقة جدتي الغالية جدا جدا جدا على قلبي ربي يسلمهالي و يخليهالي و يحفظهالي من كل مكروه
طريقة ترقاد الفلفل الحار :
راح نعطيلك مقادير قارورة الماء نتاع 1 ل و نصف
**تاخذي الفلفل نتاعك أنا هنا مثلا أخذت قرن غزال القصير غسلتو مليح و قصيت القطامر نتاعو اللي يكونوا طوال
[IMG]http://www.up.dzbatna.info/uploads/13672467118151.jpg[/IMG]
**ثم تقسمي الوحدة على 2 طوليا هكذا
[IMG]http://www.up.dzbatna.info/uploads/136724671899341.jpg[/IMG]
**و ترصيه في القارورة حيث أن الكمية نتاع الفلفل حسب حجمو و قداش هزتلك القارورة
** ضعي 2 م ك ملح المائدة لكن من المستحسن الملح الخشن
**و 1 م ص كروية مرحية + 1 م ص كسبرة يابسة مرحية + 1 م ص كسبرة يابسة حب + 2 فصوص ثوم مقسومين على 2
[IMG]http://www.up.dzbatna.info/uploads/136724672264381.jpg[/IMG]
** ثم أفرغي الخل حتان توصلي قريب للنص حوالي 2 صباع أقل من نصف القارورة
** و اكملي الباقي بالماء خلي حوالي قدر فنجان باش تتمكني من رج القارورة لخلط المكونات
** رجي القارورة جيدا جيدا و أكملي بالماء
[IMG]http://www.up.dzbatna.info/uploads/136724672863381.jpg[/IMG]
**ضعيه بدرجة حرارة الغرفة في الشتاء مدة أسبوع إلى 10 أيام و تقدري تاكلي منو بعدها
**أما في الصيف خليه مدة يومين في الشرفة نتاع المطبخ جزائري و من بعد حطيه في الثلاجة مدة 10 أيام باش تقدري تاكلي منو
هنا بعد يومين شوفي كيفاش بدا يصفار و تتنحالو لخضورية
[IMG]http://www.up.dzbatna.info/uploads/136724673187991.jpg[/IMG]
[IMG]http://www.up.dzbatna.info/uploads/136724673453991.jpg[/IMG]
التوابل اللي يتحطو فيه راح يعطيولوا بنه مميزة و هذي هي طريقة جدتي الغالية ربي يحفظها و يخليهالنا دايما معمرة علينا الدنيا
ملحوظة:
-من الأفضل ما تفتحيهش طوال مدة الترقاد
- و في فصل الصيف من المستحسن تخليه في الثلاجة بعد ما يترقد باش ما يفسدلكش بفعل الحرارة
هذا رابط لموضوع الهريسة الحارة المنزلية كنت وضعتو من قبل للي عندها الفلفل الأحمر الحار و الحلو
http://www.dzbatna.info/vb/showthread.php?t=1254538
https://fbcdn-sphotos-d-a.akamaihd.n...93518507_n.png
©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى©
