يوم اني مرقد بالمستشفى؟؟!(دموع الورد)
يوم اني مرقد في المستشفى
اث
اث
اث
الثلام عليكم
مساكم الله بالخير واللي بيقراها في الصبح يطلع الله لا يهينه ولا يقراها الا في الليل
تعرفون اخوكم في الله ( اللي هو انا ) كان لاعب خطير والاندية ازعجوا ابوي كلهم يبون يسجلوني طبعاً احنا مسوينا فيها نتغلى عليهم نبي نشوف من يدفغ اكثر .
والجرايد تكتب كل يوم من سيفوز باللاعب المعجزه ( دموع الورد ) هل سيكسب الهلال ام النصر ام ان بلوي الاتحاد سوف يتدخل
<< الله من النصب
المهم انا عاد كنت دايم اتمرن في البرحه اللي قدام بيتنا ( ارض فاضيه ) مع مبزرة الحاره .. في ذاك اليوم الاسود .. حصلة لي حادثه ادمة قلوب الملايين ( فزززززززز طع )
وهي ان احد بزران حاراتنا سحبي سحبه يحبها قلبك ( امحق لاعب ) وتوني ابنطلق وراه ما دريت الا صوت طلع من ركبتي ولا مدفع رمضان ( الا على فكره الشهر مبارك )
وانا اللي اطيح على الارض تصدقون من الالم صحت صياح ما صاحه ابن امه ( عادي بتقولون بزر بطقاق )
المهم وروح المستشفى الشميسي ويعطوني حبتين بندول وقالوا لي اشتر لفه من براا واربط رجلك ( يا سلام على مستشفياتنا يقدرون المريض )
والمهم من دكتور لدكتور ومن مستشفى لمستشفى الين قرروا ان الرباط الصليبي منقطع ولازم عملية ( اخيرا صرت زي اللعيبه ..فيني رباط موتوا قهر ياللي ما فيكم )
وادخل المستشفى ويصير معي في المستشفى واحد مهوووي من جد فيه بعد رابط زيي وكان بيسوي العمليه قبلي .. وهو وجه مسوي قوي قايل لهم ابي تخدير نصفي ابو الشباب يبي يتفرج على التقطيع .. واجلس اهبل به قلت تصدق قد سويت عمليه وطلبت تخدير نصفي وهم يسون لي العمليه بداء ينتهي مفعول البنج ويحاولون يخدروني ولا قدروا قال الدكتور خلاص ما ينفع الحين العود من اول ركزه ( وشذ الدكتور )
وانواع الالم ..
عاد الولد انغرف قلبه وده يقولهم هونت خدروني تخدير كامل بس مستحي مني .. وانا مستقعد له كل ما دخل عليه دكتور والا ممرض نطيت جنبه عشان ما يقولهم شئ
تصدقون يوم جاء وقت العمليه كل ما قاسوا ضغطه لقوه سافط الطبلون ويعطونه حبوب مهدئه ولا عندك احد ميت من الخوف ويزلبونه يومين ويشقلوني قبله ..
المهم سوينا العمليه كلنا عادي ما تعور ( جعل ما جاني تكفير )
عاد جرح العميله البريفسور اعز الناس وفوق الجرح بشوي حاطين لي ( لي = اللي تغسلون به الحوش ) يسحب الدم الفاسد ( احس اني ابستفرغ )
يوم جت الممرضه بتشيل اللي ( خاص للشباب .. والله يا ذيك الممرضه شئ ما ادري وين جايبه ذاك الزين منه ياني كنت مستقعد لها كل شوي ضاغط على الجرس جيبي مويه .. صلحي السرير .. غيري المفرش .. طولي على التلفزيون .. اطيح التلفون واقول جيبيه وغمظ اذا جت تجيبه .. وعلى هالمنوال الين تنتهي ورديتها وتجيني ذيك الجنيه السوداء ولا عاد اعرف الجرس ابد الين ترجع وجه القمر )
وين وصلنا له ايه يوم جت الممرضه بتشيل اللي ( خاص للشباب .. عندي سواليف عنها توسع الصدر اللي يبي اعطيه كم سالفه يرسلي طلب على الخاص )
<< احس اني ابتصفق
المهم هي جت بتشيل اللي ( خاص لشباب .. تصدقون اكثر واحد يجونه زوار في المستشفى انا مهوب حب(ن) فيني لا عشان يتفرجون على طخيمانه ) << قسم بالله هذي اخر مره .:D
يوم جت تشيل اللي ( خاص لشباب .. خلاص عاد انا حلفت انها اخر مره ) جاني اللي قد لعبت عليه وغرفت قلبه وقال لي الله يعينك يا دموع (راثد) على شيلت هاللي .. قلت ليه وانا قلبي يرجف ..
قال يوم جوا يشلون اللي اللي فيني صار اللحم باني عليه تخبر له كم يوم في وسط ذا اللحم يقول يالله طلعوه حتى طلعت فيه لحمه يوم طلعوه ..
وانا ذاك اليوم صايم ( ايام رمضان ) وافطر من الخوف قلت عشان ما اصفر وتجي الممرضه قلت واللي يرحم والديك شوي شوي قالت ما فيه خوف قلت طيب اصبري ..
واخذ المخده وادخل نصفها في فمي ( حشى صارت ولاده .. متاثر بالمسلسلات المصريه ) (مهبول) واعض على المخده وهي تناظرني نظرات وتتحمد .. ورااا ذا انهبل
وانا كل ما شفتها بتمسك اللي ازاعق وانا وياها في حرب
المهم قلت ابغمظ عيوني وانا اللي ازاعق عليها اخلصي اسحبيه جعل عزرائيل يسحبك ( مدري هو ملك الموت والا لا )
المهم انا انتظرها تسحبه يوم حسيت ان ما فيه احد عندي ما دريت الا ذا اللي ميت من الضحك اللي هو الحمار اللي يقول انها تعور صارت الممرضه سحبت اللي وطلعت وانا عاض المخده ومغمظ قلت تصدق ما عورني قال بس كم الضغط عندك يا لوووح وحده بوحده اجل تقوم وسط العمليه ..
سؤال المسابقه :
كم مره قلت اللي<< والمقصود بها خويي مو اللي اللي في رجلي ؟؟
<< انت فسر سؤالك قبل :D
جميع حقوق النصب والتأليف مهيب محفوظه
دموع الورد ( خوي شنتر بن عداد )(لسان)
تحياتي
https://fbcdn-sphotos-d-a.akamaihd.n...93518507_n.png
©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى©
