انااشهد انك ياحلا بنت رجال
انا اشهد انك من سلالت اهل طي
تستاهلين المدح والحق ينقال
حق اقوله والهوى صار ماضي
والله ماقلته ورا اهداف وآمال
ماقلتهاوالله وانا مقصدي شي
صحيح احبك والوله فيك لازال
وادري تحبيني ولاتسمعي في
لاكن ذي نقطه على كل الاحوال
نقطه وكلن يبتدي سطر ثاني
نقطة فراق مايجي بعدها اوصال
نقطه كتبها الوقت بينك وبيني
ياريم كم ظرف قوي بيننا حال
ياريم مابيديك حيله ولايدي
انتي على مبدا كريمين الفعال
تعجبني افعالك ولو جات ضدي
ونادرتعرفينه عن العهد مامال
ونادرعتيبي والعتيبي كما الفي
طبع العتيبي للخوي ستروظلال
يفدى خويه لو بروحه يضحي
مع السلامه ياحلا الروح والفال
مع السلامه قبل للعين تبكي
وهذي وداعيه على ذيك الأطلال
مظمونها ياختي ناديني ياخي
https://fbcdn-sphotos-d-a.akamaihd.n...93518507_n.png
©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى©
