قصيدة رائعة هاك كل القصيد - حمد السعيد
قصيدة رائعة هاك كل القصيد - حمد السعيد
هاك كل القصيد اخذه مثل ماتبي
والله اني اغبط الخاطر المستريح
كيف لاجيت بكتب أحترق بلهبي
شمعة ماتحس بعمرها من تسيح
كل شاعر ترى لو هو تشاطر غبي
يطرب الناس شعره وهو جروحه تصيح
خذ قصيد بدا قبل يخط شنبي
يوم الايام كانت مثل ريضان شيح
أه ياليت تجمع بعثرة مكتبي
والله اني نويت أبني لشعري ضريح
جم كتبت واكتبت ولا وصلت اطلبي
مدري العيب فيهم اوبطبعي صريح
كن الايام برد وهالقصيد أحطبي
الاماني رماد وها التوافيق ريح
بدل الوقت شكلي ولاقوى مذهبي
وادري ان الاماني به الزمن من صفيح
سهل ويا الصديق وللردي مصعبي
دون طيحة خويي والله اني لطيح
هيه يامن تفتش دفتري وشتبي
كل بيت يمرك اعرف انه جريح
وكان ماكفاك شعري يخلف الله تعبي
مايخلد ويبقى الا القوي والصحيح
يالقصيدة رائعة تثني واطربي والعبي
في زمان بوجهه اللي هقابه شحيح
دامها بالبدايه للنهايه حبي
لايغرك قوي العود باكر يطيح
https://fbcdn-sphotos-d-a.akamaihd.n...93518507_n.png
©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى©
