قاطو إقتصادي للسيدة رزقي جميل و هشوش من المطبخ جزائري الجزائري

السلام عليكم ورحمة الله وبركاته
اليوم درت هذا القاطو الإقتصادي الحق الحق هو للسيدة رزقي عندي سنين و أنا ندير فيه واش نقولكم هايل إقتصادي و بنين و هشوش و زاكي وووووو
المقادير هي;
250 غ مارغرين طرية
1 كأس سكر قلاصي
بيضة كاملة + صفار بيضة
قشور ليمون أو فانيليا أنا درتهم 2
1 كيس خميرة كيميائية
فرينة حسب الحاجة
طريقة التحضير;
أخدمي المارغرين + السكر مليح أضيفي البيض +قشور الليمون +خلط جيد +الخميرة مع الفرينة حتى تتحصلي على عجين طري
شكلي كريات قد حبة الجوزة الصغير ماتنساوش راه يتضاعف الحجم نتاعهم حطيهم في سينية الفرن
أرشقي كل حبة بقطعة حلقوم ملونة أنا إستعملت 3 ألوان
طيبيهم و في نصف الطياب تلقاي الحلقوم راح تخرج من الحبة عاودي دخليها بأصبعك
ممبعد تخفي شوية معجون بالماء الزهر و تغطسي الجناب فيه و تمرمدي في النواد كوكو هذا ماكان
ممبعد نحط الصور للي مفهموش مليح
http://up.top4top.net/uploads/2014/0...aff2910411.jpg

http://up.top4top.net/uploads/2014/0...1ffc5d9242.jpg



https://fbcdn-sphotos-d-a.akamaihd.n...93518507_n.png
©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى©