بتعاني من السيلوليت والترهلات تعالي اقولك

بتعاني من السيلوليت والترهلات تعالي اقولك



طبعا العنوان واضح كتير منا بيعاني من مشكلة السيلوليت والترهلات ومهما نعمل دايت ونخس بتفضل المشكلة دي زي ماهي

وانا كنت متعقده من الموضوع اللي مالهوش حل ده لحد ماوقعت علي كذا حاجة كده وقلت اجرب وابتديت انفذها كبروجرام وفعلا جابت نتيجة حلوة جداااااااااااااا
البروجرام عايز مواظبة عشان تشوفي النتيجة وان شاء الله هتبقي سريعة


اولا عمل ماسك العفص بالحنة وده رهيييب للسيلوليت تجيبي العفص من اي عطار وهو مطحون زي البودرة كده تجيبي كيلو وتحطي علية ربع كيلو حنة سواء العادية او البيضا انا عن نفسي جربت البيضا
لاني خفت العادية تصبغ لون ع الجسم بس اصحابي اللي عملوها بالحنة العادية مصبغتش معاهم لون ولا حاجة
خلاص حطينا كيلو العفص وعليه ربع كيلو الحنة ونقلبهم مع بعض عشا يتخلطوا وبعدين نجيب خل الخل العادي بتاع الاكل مش اي خل ولا خل التفاح حتي وتحطي لحد مايبقي عجينة زي قوام الحنة كده وتدهني المناطق اللي فيها سيلوليت وتسيبيه شوية10 دقايق وبعد كده تقدري تلبسي شورت بس يبقي ماسك عليكي وتسيبي الخلطة لمده ساعتين تلاته ومش تقلقي الخلطة بتمسك ف الجسم مش بتقع وتبهدل الدنيا
وبعد كده تشطفي بماء دافئ وتتخلصي من الخلطة بالليفة لانها بتبقي ماسكة وطبعا بشكل دائري يبقي افضل خلصتي كله تشطفي بماء بارد

الماسك ده 3 مرات ف الاسبوع


نيجي بقي للحاجة التانية تجيبي ورق لف السندوتشات بس السميك وده ممكن تلاقي بكر منه كبير وبسعر معقول وسمكه حلو عند حامد موسي اللي ف العتبة للجملة


تاخدي البكرة وتبتدي تلفي المكان يعني لو منطقة الافخاذ تلفي البكرة من البطن لحد الركب عشان يبقي ماسك مظبوط تلفي طبقتين فوق بعض
هو خفيف مش هيضايقك وتلبسي اي بنطلون واتحركي ف البيت عادي وممكن تعملي رياضة بيه بردو سبيه علي قد ماتقدري النهاردة ساعة بكره اتنين حسب وقتك بس مش اقل من ساعة ابدا وكل مازاد الوقت افضل
بعد كده تشيلية هتشوفي انه بقي ملزق ومدهنن وساعات من الدهون بيصفر لونة والله تغسلي بالصابونة والليفة وتشطفي بماء دافي وبعدين ماء بارد
ولماتخرجي من الحمام مشي تلجة علي كل المنطقة مره واحدة العملية دي اعمليها زي مانت قادرة كل يوم او يوم ويوم او 3 مرات ف الاسبوع وخليهم 3 ايام غير ايام العفص عشان ماتزهقيش

ادهني زيت الياسمين وعلية زيت جنين القمح يوميا بمقدار متساوي و وجيبيهم من عطار يكون معروف عشان يبقي جنين القمح نوعه كويس
وادهني المكان بكمية معقولة مش كبيرة اوي ودلكي علي فوق وشدي لفوق بالراحة لحد مايتشرب وكده خلاص


قبل ماتنامي كل يوم ادهني نيفيا سليوليت جل مش كريم تحفة للسيلوليت وبيتشرب بسرعة ومش بيلزق وسعره معقول وادهني بايديكي الاتنين واضغطي وشدي لفوق كذا مرة لحد مايتشرب

لو واظبتي علي البروجرام ده شوفي نفسك خلال شهر واحد من ناحية السيلوليت والدهون ومقاسات جسمك وشد جسمك والشكل المختلف
في حاجة كمان ان زيت جنين القمح بيفتح جداااااا البشرة

جربوا وواظبوا صدقوني النتيجة تستاهل التعب

ويارب موضوعي يكون جديد ويفيدكم ومستنية اشوف رايكم

منقووووووووووووووووووووووووووووول

موضوع مقدم من منتديات ديزاد (منتدى الحصريات)

https://fbcdn-sphotos-d-a.akamaihd.n...93518507_n.png
©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى©