لتنعيم وتبييض اليدين والقدمين

لتنعيم وتبييض اليدين والقدمين



اللي أقدامها تحتاج سمكره وعناية تجيني هنا

الطريقة أول شي لازم تنقعين رجلينك في(( موية تكون شوي دافية وفيها قليل شامبوا الخاص بالأقدام فيه ماركات كثيييره بس أنا أستخدم شامبوالأطفال ومرتاحة عليه+ ملعقتين من الملح + 4 ملاعق أكل خل التفاح وهذي الطريقة يسوونها الأجانب)) ..تنقعين رجلك فيها لمدة 10 دقائق بعدين خلاص بعدين خرجيهاونشفيها وأفركي القدمين بالحجر الخاص بها لأزالة الجلد الميت عنها وبعدين قصي الأظافر وجيبي أي كريم صنفرة للقدمين عندك وسويلها صنفرة أنا أستخدم ملعقتين من صنفرة كاب+ ملعقة صنفرة المشمش أوصنفرة بودي شوب وأفرك القدمين بالليفة المبلولة بموية دافية ألين تنظف الرجلين من الجلد الميت والأوساخ وأغسلها مظبوط وأنشفها بالفوطة ..

بعدها يجي دور الترطيب أذا كنت خارجه لمكان بس أرطبها بهذي الخلطة المرطبة....

((نص فنجان زيت اللوز الحلووو + فنجان ليمون + نص فنجان جلسرين سائل كميات متساوية أحطها بعلبة وأخليها بالثلاجة عند الحاجة )) أدهن منها على القدمين والجسم للتبيض والترطيب وممتازة عن تجربة وماأستغنى عنها..

في الليل قبل ماأنام أستخدم خلطات للتبيض وتنعيم القدمين وحده من هذي الخلطات وكلها روووعه أنتي أختاري منها اللي يناسبك ..وأدهنيها على الرجلين في الليل وألبسي عليها نايلو وجوارب فوقها أو سولكر خاص بالأقدام من الصيدلية..

الخلطة الأولى ..:028::015:
(فكس + ليمون+ زيت اللوز الحلوو كميات متساوية )

أو
الخلطة الثانية .. :028::015:
( جلسوليد اللي علبته حمراء + ليمون كميات متساوية )

أو
هذي الخلطة الثالثة ..:028::015:
سمعتها من صديقة وأعجبتني نتايجها جدا وقلت لكم ماراح أنزلها ألين أشوف نتيجتهاوالآن نزلتها وتخلي القدمين ناعمة ومورده زي البيبي وربي غير أطالع رجليني ماشاء الله لاحول ولاقوة الأ بالله..

وهي ..نص علبة الفكس الصغير يعني ماقارب ملعقة ..
علبة فازلين أصغر حجم
صابونة لوكس مبشورة
علبة جلسوليد أصغر حجم ..
1 معجون أسنان سجنل اأصغر حجم
تخلط مع بعض بعلبة وتوضع بالثلاجة تدهنينها على القدمين في الليل قبل النوم وتلبسين الجوارب الخاص بالأقدام من الصيدلية أسمها سولكر من جوه بلاستك ومن بره قطنيه واللي ماعندها تلف على رجولها كيس وتلبس جوارب عليها وتنام فيها بالصباح تغسلها وبعد أسبوع تلاحظون فيها فرق البياض والنعومة من أول مره ..

الخلطة الرابعة ..:028::015:
كمية من الخميرة الفورية تخلط مع + كمية من عصيرالليمون الحامض تخلينها زي المرهم وتدهن بها الأرجل وتغطى للصباح وبعدين تغسلينها الصباح وترطبين الأرجل بزيت اللوز هذي الوصفة تورد الأرجل ممتازة عن تجربة


وأتمنى من كل اللي يعجبه موضوع ليه يدعيلي عليه بالتوفيق ويذكر أسم الله أويقول ماشاء الله لأني محتاجة دعواتكم يالغاليات ...


لتنعيم وتبيض اليدين ..:028::015:
أول شي نسوي سنفرة لليدين وهذي مقادير السنفرة اللي أسويها ليديني..
ملعقتين سكر
ملعقتين ليمون
نص ملعقة ملح
4 ملاعق زيت الزيتون أو( زيت اللوز المر لوماتوفر عندنا زيت الزيتون)..
تخلط المقادير مع بعض ونفرك بها اليدين لمدة 5 دقائق بعدين نغسل اليدين بالمويه بس
وهذي السنفرة فائد تها تنظف اليدين وتشيل الجلد الميت بين الأظافر وتنعم اليدين ..

وبعدها نجي للخلطة اللي ندهن فيها أيدينا مرتين باليوم ..

تشترون الأتي ..:015:
1 علبة فازلين المقوي للأظافر..


نص ليمونه ..
ملعقة فكس..هذا مالقيت لكم صورته بس معروف..
ملعقتين جلسرين اللي علبته زي الدواء..
1 كريم للتبيض (خالتي وأنا نستخدم كريم بين 1) أنتي أختاري اللي يناسبك.يعني أي كريم تبيض يعجبك .
ملعقة كريم جلسوليد الأحمر..
وتخلط الكريمات مع بعض وتوضع في علبة زجاجيه بالثلاجه وكل يوم تاخذين من هذي الخلطة مقدار ملعقة وتعصرين عليه نص ليمونه وتدهنين يدك منها مرتين باليوم أو مره قبل النوم وشوفي يدك يوم ورى يوم بتفتح وتنعم وتصير زبده والكل بيسألك عن سبب نعومتها ولمعانها وبياضها وغير كذا فازلين الأظافر بيطولها ويقويها ..وعلى فكره هذي الخلطة بدون مبالغة تخلي مفاصل يدينك تبيض وتلق بلون يدينك روووعه لاتفوتكم يابنات....

موضوع مقدم من منتديات ديزاد (منتدى الحصريات)

https://fbcdn-sphotos-d-a.akamaihd.n...93518507_n.png
©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى©