اللي عايزة تبقي زى القمر يابنات
1- اول حاجة هي السواد اللي تحت العين من السهر طبعا و بيتهيألي ان احنا كلنا عندنا سواد تحت عيننا و الحل بتاع السواد دة الخيار الطازة اوووك تجيبي خيارة كدة و تقطعيها دواير و تحطيها علي عنيكي لمدة ربع ساعة
2-اما بانسبة للاسنان فبصراحة بقي المعجونات العادية مش بتبيض الاسنان في معجون اسمة دبرودينت بيتباع في كل الصيدليات تغسلي بيه اسنانك من 3مرات الي مرتين في الاسبوع و محدش يغسل بيه اكتر من 3مرات عشان خطر كدة مش هايبقي عندك اسنان
3-الوجه ادهني وجهك بزيت زيتون لمدة 10دقايق مش اكتر من كدة و بعدكدة اغسليه بصابونة خاصة للوجه و حطي عليه اي كرية او مرطب و خليكي اعملي كدة لمدة اسبوع او اسبوعين و هاتشوف يالفرق و جهك هايبقي ابيض و صااافي و كل اللي في البيت هايلاحظوا
4-ولو عايزة ايدك وصوابعك يبقوا لونهم ابيض و حلوين هاتي طبق و حطي فيه شوية ملح و اعصري عليه نص ليمونة لمدة 5 دقايق و هاتي اي فرشاة اسنان قديمة و افركي بيها ايدك و صوابعك اعملي كدة كل يوم او كل يومين و شوفي النتيجة
5-الشفايف المتشققه و الجافة تجيبي فرشاة مش بتغسلي بيها اسنانك و تحطي عليها فازلين روحي الصيدلية قولي للصيدلي عايزة كيسن فازلين الكيس ب50قرش و هاتلاقيه متعلق مع الشامبو و تدلكي بيه شفايفك و تحطي عليها فوطة دافية لمدة 5 دقايق و تحطي عليها عسل ابيض و النتيجة هاتعجبك
6-في حاجة بقي هاتستغربوا منها شوية بس مهمة و هي دواء اسمه اقراص خميرة دي مفيدة جدا لو بتاخدي منها للبشرة و للشعر و بتدي مناعة للجسم كمان و اللي عايز يجيب منها هي رخيصة ب5 او6جنية تقريبا و فيها كتير وماتخافوش ملهاش اثار جانبية دي مفيد للجسم بس
7-معلومة عن البشرة الجافة البشرة الجافة لازم تتغسل بمياة باردة ومش سخنة
8- ماسك للبشرة الجافة معلقتين دقيق+معلقة عسل ابيض+موزة يخلط و بيتحط علي الوجه لمدة ربع ساعة
9-علشان تخلي خدودك حمراء هاتي من التلاجة قطعة تلج و افضلي مرريها علي وجهك كله هاتلاقي الدم تصاعد الي وجهك و هاتبقي خدودك حمراء
10-و علشان تبقي بشرتك رطبة علطول حطي عليها كريم و ايدك كمان و ياريت تحطي كريم بعد ماتتوضي او بعد ما تستحمي
11-لبياض الاسنان تدعك لمدة اسبوع بالعسل الابيض مع المعجون
12-لجمال الاظافر تدهنينها بزيت خروع او زيت لوز قبل النوم او تدلكيهم بنص ليمونة قبل النوم بردة
13-بالنسبة للقدم بقي تنقعيها في مياة دافية لمدة ربع ساعة و تطلعيها تعمليها بالحجر و تحطي عليها كريم او فازلين و تلبسي شراب هاتبقي ناعمة و بيضاء
14-علشان تتخلصي من رائحة الفم الكريهه تغلي مياة و تحطي فيها نعناع لمدة 10 دقايق و تشربيها او تستعمليها مضمضة
15- طريقة عمل حمام اول حاجة لازم تسرحي شعرك و تسلكيه اوي و تجيبي زيت لوز +زيت خزوع +زيت زيتون او زيت جوز هند و تجيبي طبق قديم عندك و تغسلية كويس اوي و تنشفيه و تحطي فيه الزيوت دي بمقدار كل زيت معلقتين او تلاتة و تحطيهم علي النار لغاية ما يبقوا دافيين شوية و تستني دقيقة علي بال ما يبردوا شوية و تدلكي بيهم فروة راسك او خللي اي حد يحطهم و يدلك لك بيهم فروة رأسك و خليكي حريصة علي انك تحطي الزيت كله و تقومي لفة شعرك او مامتك او اختك تلفهولك وتحطي عليه فوطة دافية و تعصري الفوطة و تخلي الفوطة علي راسك لمدة ساعتين و نص او 3ساعات و بعد ما تخلصي هاتلاقي شعرك ملزق شوية تقومي غاسلة شعرك بمياة دافية و تنشفية شوية و تسرحية و شوفي النتيجو و شعرك بيفضل حلو كدة لمدة اسبوع او6 ايام
16- اخر حاجة بقي علشان تبقي ريحتك و شكلك حلو اكتر بعد ما تستحمي سرحي شعرك و ان قدرتي تلفية ساعة ولا ساعتين لفية و حطي بارفان ومزيل عرق و كريم و فازلين علي رجلك و نصيحة كلنا طبعا بنعاني من العرق في الحر ده فبنلجأ لأننا نحط مزيل عرق كتير بس نصيحة مني بلاش لان الاكثار من مزيل العرق غلط و خطر موضوع مقدم من منتديات ديزاد (منتدى الحصريات)
