بشرة صافية وبيضاء ولافى احلا منها0

بشرة صافية وبيضاء ولافى احلا منها0



http://www.arb-up.com/files/arb-up-Nov2/wmV13702.gif

بحط لكم اشياء للوجة وللجسم
وبحط لكم حمامات تخلي ريحتكم تهبل
وبعلمكم كيف تسون لوشن لجسمكم يخلي ريحة جسمكم تهبل وتخليه نااعم بعد..وايضاً راح احط لكم خلطة رهيبة تطول الشعر وتنعمه وتكثفه ،،
وبعلمكم طريقة الحمام المغربي
،،وأيضاً طرق ازالة الشعر بدوون ألم..
وأشياااء كثيرة راح تفيدكم
"وأحلف بربي وأقسم والله ثم والله انها مج ـربة ونااافعه معاي وصدقوني ويشهد علي ربي اني ماراح اكتب شي مانفعني ولا جاب معي نتييجة "
وأيضاً راح احذركم من كريمات أبد مانصحكم فيها والكثيير الكثييير .. بس الله يخليكم بنات مابي اي وحدة منكم تقرأ وتطلع وماترد علي ..ع الأقل لو كلمة شكر لو سؤال لو استفسار لو دعوة من قلب راح تفرحني والله يسعد ايامكم ان شاء الله
نبدأ ياحلووين
.
.
أول شي للوجة انا نفعت معي هالخلطات ..

1- خلطة البطاطا والحليب والنشا
المقادير : بطاطا مغلية بماء + ملعقة كبيرة حليب بودرة + ملعقة متوسطة نشاء + وملعقة ماء ورد
واللي بشرتها دهنية او مخلوطة نفسي تضيف ملعقة عصير ليمون
وتضربين المقادير بالخلاط وراح يطلع كأنه خليط كيك ثقيل بيكون دافي خذيه وحطيه ع وجهج ورقبتج لمدة نصف ساعة وبعدها اغسليه بمااء فااتر "بدون صابون" وبعدها خذي مكعبات ثلج ماء ورد ومرريها على وجهج
فائدة الخلطة : تبيض وتصفي وتوحد لون بشرة الوجه والعنق
2- قنااع الشوفان
المقادير : ملعقة صغيرة خميرة البيرة - ملعقة عصير ليمون - ملعقتين شوفان مطحون - ملعقتين زبادي "منتهيية صلاحيته" وخلطيهم وحطيهم على وجهج لمدة نصف ساعة
فائدة القناع : يصفي وجهج من آثار الحبوب والله يابنااات ان يخفف اثار الحبوب بطريييقة عجييبة
3- خلطة الطحينية والمرة
اكيد كلكم تعرفوها ،، مكوناتها :
ملعقة صغيرة مرة مطحونه
ملعقتين كباار طحينية سائلة حقت التمر
وحطيها على وجهج لمدة ساعة او ساعتين ولما تغسلينها لاتغسلينها بصابوون فقط ماااء دافي
وبعدها شوفي وجهج والله كأنج حاطه بوودرة
فائدة الخلطة : تفتح لوون البشرة وتمحي آثار الحبوب
4- مكعبات البطاطا
اللي أكيد كلنا تعلمناها من الحلوة "لجيين حبيبة الكل " وتعرفون مكوناتها
ملعقتين زبادي - بطاطا مبشورة - حليب بودرة ملعقتين - وشوية ماي ورد << هاي مكوناتي
وحطوها بقوالب ثلج وخلوها بالفريزر وبعدها مرروها على وجهكم وتصير كأنها ماسك وخليها لمدة ساعتين انا عن نفسي امررها على وجهي وانام فيها
فائدتها : تشد الوجه وتبيضة وتصفيية من الحبوب وآثارها
5- قناع العسل بالزبادي
مكوناته : ملعقتين عسل طبيعي - ملعقتين زبادي - بياض بيضة
اخلطيها وحطيه ع وجهج لمدة نص ساعة
فائدته : يرجع الحيوية لوجهج ويخليه نضـرررر ويصفيه من الحبوب والله يابنات اللي وجهها تعبان من السهر تحط هالقناع وصدقوني راح تستانس ع النتيجة
6- (قناع ماقبل المكياج )
بنات لما تكون عندكم سهـرة ..أو عزيـمة..حطوا هالقناع وراح تدعوووون لي من قلبكم
ملعقتين نشاء وملعقتين ماء ورد حطيهم على وجهج (لازم لمدة ساعتين او ساعة ) قبل المكياج ..وغسليه بمااء فقط وبعدها نشفي وجهج وحطي المكياج عااادي .. وبعد ماترجعين من مكان سهرتج غسلي المكياااج بصابونه طبية ..ونظفي وجهج بتونك راح اكتبه تحت وبعدها خذي نص برتقالة ومرريها على وجهج وخليها لحد ماتنشف "ماتطول" وغسلي وجهج وشوفي وجهج شلون راح يلق من الحلاوة والبياض والصفاوة
قناع دم الغزال روووووووووووعه واكيد الكل يعرفه
--------------------------
هذا بالنسبة لخلطات واقنعة الوجة نأتي للجسم.
.
1- خلطة تبيض الأبط والمنطقة الحسااسة
خذوا علبة بلاستك او زجاج فاضية وحطوا فيها كمية من بودرة جونسون للأطفاال وماء ورد بحيث يصبح الخليط كأنه عجينة متماسكة وخليها على تواليتج ..وبعد كل استحمام دهني منه الفخوذ والابط
الفاائدة : تبييض وتمنع الروائح الكريهه وتنعم البشرة
2- الصابونة المغربية
خذي صابونه مغربية وابشريها ونقعيها بماء ورد ليلة كاملة وبعدها صفيها من ماء الورد وحطيها بعلبة وحطي فوقها زيت لوز مر وخليها بالحمام ..وقبل ماتسحمين كل يوم بساعة خذي الخلطة ودهني فيها جسمج ..وبعدها استحمي عادي
الفائدة : والله ثم والله انها تبيييضج بقـووووة
3- الجلسرين والجليسوليد والليموون
مكوناتها : علبة جلسرين وعلبة جليسوليد وليمونة
خلطيهم مع بعض وخليهم بعلبة وبعد كل استحمام دهني جسمك فيها كل يوووم لأنها راح تفتح بقـوووة وأيضأ تزيل الخلايا الميتة بالجسم
4- ماسك الجليسوليد
مكوناتها :
جلوسوليد علبة وسط ام 12 ريال
8 ليمونات
فنجال قهوه زيت اللوز المر
فنجال قهوه زيت الجلسرين
فنجال شاي نشاء
3 ملاعق فكس
ملعقتين كركم جسم
اخلطيهم بعلبة وحطيها بالثلاجة وقبل ماتناامين دهني جسمج فيها .. صدق بتوصخ ملابسج بس عادي يطير اللون بالغسيل ، ولما تقوومين لازم تغسليها واغسليها بصابونه مثل : بيزلين ،، بابايا ، ، أو الطااووس
وشوووفي شقد راح تفتح بشرتج وصفييها وتنعمهاا
------------------------
الحمامات
.
.
هذي طرق حمامات انا اسوي واحد منها كل اسبوع لانه يزيل الاوساخ من جسمي ،، ويصفي بشرتي من حبوب الشباب اللي بظهري ويوحد لووونها
1- حمام الورد الملكي
الطريقة :
1) الجلوس في البخار لمدة 30 دقيقة .
2) يدهن الجسم بالصابون المغربي لمدة 30 دقيقة .
يفرك الجسم باليفة المغربية بعد نقعها بالماء الساخن ثم يشطف الجسم بالماء ثم يوضع كريم السنفرة ويدلك لمدة ربع ساعة .
4) نضع المبيض ( عبارة عن ليمون يخلط مع خل التفاح وقليل من الصابون السائل ) على الجسم لمدة ربع ساعة .
5) نضع ماسك الطين لمدة ربع ساعة ( الماسك متوفر لدى محلات البودي شوب )
6) الشطف النهائي ( لترين ماء مع تولة دهن الورد وتولة دهن فواح من أجمل )يشطف بها الجسم مع تدليك بسيط وستظل الرائحة لمدة 3 أيام .
7)أخيرا ً يشطف الجسم بالماء البارد لغلق مسام الجسم.
2- الحمام المغربي المعرووف
بس انا اخذ الصابون المغربي واضيف له بيضتين وشووفان وماء ورد وبعدها احطها ع جسمي ،،
الطريقة والمكونات
والحين تجهزين المقادير اولا الصابون المغربي وينباع عند كل العطارين بكل مكان
ثانيا** ليفه بودي شوب اللي على شكل قفازات حق الايدين
واذا ماقدرتي جيبي ليفه مغربية تلقينها عند اي عطار
ثالثا** مفراكة ظهر وهي عبارة عن عصا خشب طويله بنهايتها مفراكة و موجودة عند العطارين والسوبر ماركات
رابعا** صحن حاطة فيه عصير نصف ليمونه مع ملح خشن لتشكيل مزيج سنفرة يعني هالخلطة بتكون بمثابة سنفرة واذا مافي ملح خشن حطي ملح عادي بس كثري عشان لايذوب بالليمون وماتستفيدين منه
خامسا **قدر تحطين فيه ماء مغلي او جهاز بخار للوجه او اذا عندك غرفة بخار بالبيت احسن
سادسا **كيس نايلون على طولك تقدرين تستخدمين حق نلابس الرجال اذا جت من النغسله ولا تستخدميت كيس زباله عزكم الله لانه موزين فيه مادة موزينه
اذا مالقيتي كيس طويل خذي كيسين اقصر ولصقيهم ببعض يعني شوفيلك صرفه
والحين نجي للطريقة:
اول شي شطفي جسمك بماء ونشفيه بالفوطه وخذي الصابون المغربي وداهني جسمك كله فيه من فوق لتحت مو فرك لا بس دهان
وبعدين خذي كيس النايلون اللي عندك وافتحي فتحة لراسك بس وخلي الكيس يغطيك من فوق لتحت بس راسك برى وخلي جهاز البخار او قدر الماء تحتك داخل الكيس يعني بين رجولك وانتي داخل الكيس عشان البخار يصعد ويظل داخل كأنك بغرفة ساونا وظلي على هالوضع ربع ساعة يكون جسمك تفتح مسامه وكل شي
بعدها شيلي الكيس وروحي للدش وشطفي جسمك بماء بس ولبسي الليفه بأيدك واقعدي افركي جسمك كله من فوق الى تحت راح تشوفين الجلد الميت يطلع من جسمك
والسواد والقذارات كلها ..الحين عقب ماشلتي الصابون المغربي بالوسخ اللي لصق فيه وجسمك مساماته متفتحه
الحين تاخذين سنفرة الليمون والملح وفركي جسمج فيها عدل عشان تنظفينه من الخلطة والوسخ وكلللل شي لانه الملح والليمون يعتبر معقم ومنظف عمييييق
عقب كل هذا اذا تبين تقدرين تستخدمين شاور جل عشان يعطيك ريحة حلوة وبس خلص الحمام المغربي
روحي غرفتك وتنشفي وتدهني ببدي لوشن او اي كريم للجسم وتمتعي بنظافتك ونعومتك اللي الكل بيحسدك عليها
هالطريقة اذا كررتيها كل اسبوع بتشوفين الفرق الشاسع باللون والنعومة والاثار وكل شي يشوه جمال جسمك

3- حمام "دووف الحلو والراائع "
هذا حمام رووعة وسهل ويفتح لون الجسم ويبيضة من كذا اموووت عليه واسويه 3 مرات اسبوعياًُ لان حلوو مرررة
مكوناته :
صابونه دوف مبشوره بمبشر حق البصل
نص كوب مويه ورد و5 ملاعق زيت زيتون و5 ملاعق جلسرين سائل
وعصير ليمونه
الطريقه :
نقعي صابونه دوف المبشوره بمويه الورد طول الليل والصبح حطيها على النار وقلبيها لين تصير
كريميه وضيفي زيت زيتون وجلسرين وقلبي وطفي النار وحطي ليمونه معها وقلبي
وحطي الخلطه في علبه زجاج او برطمان زجاجي فاضي عندك بثلاجه ادهني جسمك فيه لمده
4 ساعات وقت تستحمي بللي الليفه بمويه وادعكي جسمك بيكون بيرغي المكان امسكي منطقه منطقه
وغسلي جسمك بمويه بارده
------------------------------------------
ريحة جسم اكل يحسدك عليها
.
.






بعد الاستحمام طبعا يكون جسمك رطب رشيه بعطر خفيف مثل الي قلت بالطريقه الاولى
ياعطر المسك من عبد الصمد القرشي او عطر الليمون او اي عطر انتي تحبينه
لكي يختلط بما بقي من ماء على جسمك ..
طبعا في هذي الفترة يكون عندك المبخره مليانه جمر
تضعين فيها عود او معمول العود .. وبعدين تدخنين جسمك كله
وحاولي تطولين شوي وانتي تدخنين جسمك يعني يكون اقل شي خمس دقايق
علشان يتشرب الجسم باالريحه زين..
وبعدهااا راح تنعمين بـ الرائحة الزكيه لمدة اسبوع كامل ..


* زيت بيبي جونسون

روحي بدي شووب وخذي زيوت جسم معطرة .. أي نوع تحبينه وخلطيها مع زيت بيبي جونسون
ووانعمي برائحة تهـبببببببببل بس استعمليه بعد الاستحمام

* المفضلة عندي << خلطة دهن العـ...ــــــووود

لما تكون عندك مناسبة خذي ملعقتين جليسوليد كبار و10 نقط دهن عود وملعقة ماء ورد وخلطيهم
ودهني جسمك..وشووفي ريحة جسمك وش راح تصـير اللكل بيلصق فيكي هههههههههههههههههه

.
.
--------------------------

بالنسبة لإزالة الشعر
لما تقررين تشيلي شعر جسمك لاتشيلي منطقة وتخلي الباقي لوقت ثاني .. لا شيلي جسمك كله بنفس اليوم خلك مرووقة وشغلي موسيقى تعجبك وسكري عليكي الغرفة وأبدئي بالشيل انا انصح تسون مثلي
تبدأو بالسيقان وبعدها الفخوذ والمنطقة الحساسة وبعدها اليدين والاباطين وتخلصووون
لعدم الشعور بالألم عندي طريقتين الأولى
تاخذوون بودرة بيبي جونسون وتحطون ع جسمكم وبعدها تمررونها وراح يصير لونكم اشهب عادي وبعدها ابدأو الحف راح يقلل الألم .. والطريقة الثانية
سكر وماء .. خلطيهم ودهني جسمك فيها ولما ينشف ابدأئي الحف ..
.
.
وبعد الحف ماانصحكم الا بليمون وجليسووليد لنعوومة مابعدها نعوووومة حتى الاطفال بيحسدونكم على نعوومة بشرتكم ... وابد مانصح تستخدموا مزيل عرق "لو مهما كان طبي او خالي من العطور" على الابط بعد الحف لانه بيسوودة زيااادة حطو ماي ورد وبودرة بيبي جونسوون ..
.
.
----------------
الشعر ..
هذي خلطة استخدمتها وماندمت ابدأ لانها كثفت شعري وطوولته ونعمته بدرجة مو طبيعية صدق تستااااااااهل ولو ان ريحتها لأاتطااااااااااااااااااااااااق
وبليز بنات اللي متززوجة لاتحطها لانه ززوجها ماراح يتحمل الريحة الا اذا كان مساااافر ،، وايضاً لاتحطونه اذا كان عندكم مناسبة وكذا لان الريحة مرررة قوووية لكن النتيجة شي جنااااااااااان
مكوناتها
يالة حلبة
بصلة مقطعة قطع كبيرة
2فص ثوم مقطع قطع كبيرة
بصلة مفرومة فرم ناعم نعصر مائها باليد
2فص ثوم مفروم نعصر مائه باليد
كمية كافية من الجرجير(نعصره) مقدار كأس واحد (بلاستيك) معصور
علبة كاملة كبيرة زيت جوزالهند
علبة كاملة كبيرة زيت دابر املا الاصلي (الاخضر) مش الاصفر
علبة كاملة زيت الأس(من العطار)
كمية قليلة جدا من دهن الورد(من العطار)
ثانيا:طريقة عمل الوصفة هي :
2 – نطحن الحلبة
3- نخلط الزيوت (زيت جوزالهند + زيت دابر املا + زيت الاس) في علبة كبيرة
4 – نضيف ماء البصل والثوم المعصور بواسطة اليد +ماء الجرجير (المعصور)
5 – نضيف على الزيوت ( في نفس العلبة الكبيرة الي خلطنا فيها الزيوت) نضيف(نواة التمر+عين الجمل)المطحون+الحلبة المطحونة
6 – نضيف على الزيوت قطع البصل والثوم في نفس العلبة الكبيرة (( ويمكن اضافة الفلفل الاخضر الحار بعد تقطيعه ))
7 – نرج العلبة حتى تختلط الزيوت والحلبة و..و..و..مع بعض.
8-تترك ليلة كاملة قبل الاستخدام حتى يأخذ البصل والثوم مفعوله على الزيوت
ثالثا : طريقة الاستخدام هي :
1- تدلك فروة الرأس جييييييدا مع الاطراف
2- يغطى الشعر بالغلاف البلاستيك الخاص بالأطعمة ( حتى تأخذ الوصفة مفعولها جيدا)
3- يترك على الشعر مدة تترواح بين ( ساعتين الى ثمان ساعات )
اقل مدة :ساعتين لتأخذ الوصفة مفعولها
وأكثر مدة : ثمان ساعات
(انا عن نفسي اتركه بشعري ثمان ساعات والحمد الله مافي أي اثر للتساقط او اجهاد الشعر او فروة الرأس)
4- يستخدم يوميا لكن يجب اعطاء الشعر فترة راحة كافية.( يعني بعد ماتغسلينه بالشامبو تخليه بدون وضع أي كريم او زيت علشان ماتجهدين فروة شعرك لأنك راح تحطين زيت يومياًً)
(اما اذا كان شعرك يحتاج للكريم او الزيت بعد ماتغسلينه بشامبو يفضل انك تستخدمين شامبو مرطب مثل شامبو دوف 2في1 لجميع انواع الشعر،عشان مايخليه جاااف،او أي شامبو ثاني مرطب،واذا كنتي ماتقدرين تستغنين عن الكريم بعد ماتغسلينه يفضل انك ماتكثرين من الكريم بس مسحات خفيفة على الشعر،عشان مايتطاير هذا اذا كان شعرك جاف)
وعلى فكرة:ترى هذي الوصفة زيادة على انها تطول وتكثف الشعر بعد تنعمه،ومع المداومة تشوفين شعرك صار مايحتاج أي كريم،بس غسليه بشامبو ومشطيه وخليه يجف على الراحة وبتلاحظين نعومته صارت طبيعية وماتحتاجين لشي..(خصوصا اذا كنتي تغطين شعرك بالغلاف البلاستيك الخاص للأطعمة،لأن الشعر يتشبع من الزيت
وشوفوا النتيجة الجنااااان والروعة "ولحد يدعي علي بالريحة لانها جد ماتنطاق "
2- بيبي جونسون والخروع
خذي شامبو بيبي جونسون وحطي فيه ملعقتين خروع وخليه بالحمام وغسليه فيه شعرج
او حطي بيضتين مضروبتين بالشامبو واستعملوا ولا تخافوا مايخرب البيض بالشامبو
3- فيه فاشكول بالفواكه ينباع بالصيدلايات والسوبر ماركت روووووووعة للشعر استعمليه 3 مرات اسبوعياً

--------------------------
للأسنان
معجون ديبورتنت ومعجون وايت ادفانس بتلاقونه بالصيدليات رووعة يبيييض الاسنان رهيب
-----------------------
لليدين والرجلين
ملعقة فازلين وملعقة فكس وملعقتين جليسوليد وليمونه اخلطيهم وخليه بالثلاجة ،، وادهني رجلج قبل النووم ولبسي دلاغ ونامي ،، وادهني ايدج ونامي وشوفي ايدج وريلج كيفي راح يكونو نااعمين ولوونهم ابيض لاسمار ولا سواد
.
.
أو
كريم 21 الاورانج وملعقة كبيرة اكسجين مطهر وتنحط ع الرجل واليد والاكواع والركب ،، للتفتيح الرهييييب
------------------------
تونك منظف للوجة
قشور برتقال وقشور ليمون تغلى بماء وتصفى وتوضع بعلبة بالثلاجة وتحط بقطنة ونظف فيها وجهنا كل يوووم
------------------------------------
اما الكريمات اللي ابتعدوا عنها
فير اند لوفلي
منـيرفاا
دووكـين

اولاي : ممتاز كأساس بسيط للمكياج
وأيضاًُ لا تشترون شي ماتعرفوا عنه
وشامبو غارنييه يطيح الشعر ،، وكريم اغادير خرب بشرتي ،، وابعدوا عن اي خلطة من عطارين ماينوثق فيهم

موضوع مقدم من منتديات ديزاد (منتدى الحصريات)

https://fbcdn-sphotos-d-a.akamaihd.n...93518507_n.png
©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى©