برنامج الســ 6ــــت كاســات للحمل مع تماريـــن الحمـــل ..
السلام عليكم ورحمة الله وبركاته
الى كل المتأخرات عندي لكم برنامج ان شاء الله يفيدكم وانا اخترت لي ولكم الافضل وكلها لها فوائد عظيمه ومن ضمن البرنامج تمارين للحمل ماادري اصلآ ان فيه تمارين الا لما رحت النادي وقالت المديره في تمارين للحمل..
1⃣اول ماتصحين خذي ملعقه عسل مذوبه في كاس ماء دافي والعسل يكون مخلوط بحبوب اللقاح وطلح النخيل وغذاء ملكات النحل
وهذي تحصليها عند محلات العسل مخلوطه وجاهزه بــ70 ريال اخذتها..
2⃣مغلي الزنجبيل والقرفه والكمون وقشر القهوه
طريقته/كاس ماء مغلي وتحطي ملعقه قشر قهوه وتحطي بشر زنجبيل طازج وملعقه صغيره كمون واعواد قرفه عشرين دقايق على نار هاديه وصفيه واشربيه من وقت الدوره الى عاشر يوم ..
3⃣التلبينه النبويه
كاس ماء مغلي مع ملعقتين حليب بودره وملعقه سكر وشوية هيل
وفي صحن ذوبي ملعقتين تلبينه في شوية ماء واضيفيها للماء المغلي غليه وحده فقط..
تعتبر عندي وجبة فطور ..
4⃣مغلي البردقوش
ملعقه بردقوش اصب عليها مويه مغليه من الغلايه واخليه عشر دقايق فقط ..
من اول الدوره الى يوم 15 ..
5⃣شاي اخضر
اصب مويه مغليه من الغلايه في كاس واحط ورقة شاي اخضر واخليه عشر دقايق فقط ..
يوميآ والافضل يكون بعد العشا بنص ساعه..
6⃣عند النوم اكل حبة البركه او ماتسمى الحبه السوداء وبعدها كاس موية زمزم..
||تمارين الحمل||
اول ماتصحين من النوم تسويها هيه شبيهه بتمارين البطن تزيل الكرش وتنحت الخصر وتنشط المبايض .. انا لما سويتها جاني الم في المبايض حسيت بأجابيه..
بالصور
http://uploads.sedty.com/imagehostin...1351884501.jpg
بالفيديو
تمارين رياضية - YouTube
🍃نصـــايح مهمــه🍃
||حمض الفوليك وحبوب الزنك
حبه وحده من كل نوع خليها جزء من حياتك..
فوايدها كبيره على الحمل والشعر والبشره||
||كماده وقت الدوره عشان تنزل دورتك بدون ماتتكتل وتسبب انسدادات في الانابيب||
||الاستحمام ابتعدوا عنه وقت الدوره عشان ما تتوقف دورتك وينحبس الدم||
||بعد الاستحمام او عند النوم مسح الجسم بزيت زيتون مقري فيه رقية الحمل||
🍃العــلاج الروحي🍃
•رقية الفاتحه بالنفث في الكف سبع مرات ومسح الوجه والجسد
•المحافظه على الصلاه
•اذكارالصباح و المساء
•كثرة الاستغفار
•كثرة الصلاة على النبي
•الصدقه حتى لو ابتسامه
•الدعاء بيقين
•قراءة القران
•الصيام
اتمنى اني وفقت واسال الله ان يكون عملي خالصآ لوجه الله في المنفعه ولاتنسوني من دعواتكم الطيبه بالذريه الصالحه المصلحه واللهم صل وسلم على نبينا وحبيبنـا محمد ومن تبعه بأحسان الى يوم الدين..
