السلام عليكم
كيفكم صبايا
انا من زمان بتابعكم وهلا سجلت معكم والحمدلله
انا بدي احكيلكم قصتي وبتمنى منكم مساعدتي
انا عمري 23 سنه وما اجتني الدوره وقت البلوغ عكس خواتي يلي بسن 12 اجتهم الدوره المهم انا راجعت الدكاتره وصارو يعطوني ادويه وصارت تنزل مع الادويه
وبعدين عملت تحاليل وصور وطبقيه وحكولي عندي كسل بافراز الغده النخاميه واعطوني ابر اتنشطهم بس انا تعبت منهم وبسبب الدراسه والحاله الماديه ما استمريت فيهم
وبعدين رحت عند دكتوره تانيه اعطتني دوا تنظيم الدوره صارت تيجيني كل 28 يوم بس اذا ما اخدتو ما ابتنزل
ومن 4 شهور اتزوجت وراجعت دكتور صار يحكيلي عندك المبايض والرحم طفوليات وبدهم علاج لمده سنتين وحكالي بهاي الفتره الحمل ضعيف مش ممكن انو احمل الا باراده الله
المهم رحت عند مره بتعالج بالرقيه اعطتني خلطه عسل مع اعشاب وتحاميل عسل وطلع النخيل وبرنامج قرأني من ضمنو سوره البقره يوميا والاستغفار وهلا انا ماخده العلاج شهرين وما صار شي معي بس بحس بنغز بالمبايض ووجع ضهر وافرازات بس مو دايما
وكمان كان في بجسمي سحر والحمدلله اتعالجت بالقرأن
طولت عليكم هاي قصتي واللي عندها شي يساعدني امانه اتفيدوني موضوع مقدم من منتديات ديزاد (منتدى الحصريات)
