اللي هبطلو المورال من العتبة .. يدخل هنا

السلام عليكم
يا جماعة الخير واش بيكم ؟
شهدوا و استغفروا
هذي راهي اسمها شهادة بكالوريا BAC مشي تمسخير
لي يحب يدي الباك يتعبلو صح مشي يستنى العتبة
و الحمد لله حنا من الاول ماقلناش بلي يديرو العتبة اصلا بيسك ماعندناش ظروف كيما تاع العام لي فات اضرابات و كلش
حنا السنة قرينا بشكل طبيعي .. دونك ما تكونش عتبة كيما العام لي فات مستحيل
و ذركا دارولنا عتبة لا بأس بها .. احمدوا ربي
عسى أن تكرهوا شيئا و هو خير لكم
عجبتكم المهزلة تاع العام لي فات ؟
باك ساهل و الناس كامل داو و الناس كامل جابو معدلات مليحة
و على اللخر التوجيه ماكان والو .. واحد ما دا واش حب
حنا السنة حبيناه يكون فالمستوى و لي جابو يجيبو عن جدارة
و لي دا معدل يجيب بيه وش حب من التوجيهات
هذا هو الباك صح
اون+ كي ينحو بزاف دروس مفصلة راهي تولي مهزلة و اليونسكو تعاقبهم
و قادر مايوليوش يعترفو بالشهادة بكالوريا BAC الجزائرية اصلا
هاذ العتبة لي داروها راهي بمقاييس عالمية

ارجعوا إلى صوابكم و اقراو مليح في هذا الشهر و ماتقولوش راح الحال
و إن شاء الله نجيبوه كامل عن جدارة و استحقاق
عفوا على الإطالة
سامحوووووني

https://fbcdn-sphotos-d-a.akamaihd.n...93518507_n.png
©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى©