يارب نجحنا كامل

ااسلام عليكم اخوتي
كيف الحا كيف تحضيرات الشهادة الباكالوريا
اليوم حبيت ننصحكم و بلاك نفيدكم نحب منكم غير دعوة بالخير
انا اجتزت الشهادة بكالوريا BAC لارع مرات هاذي الخمسة و كل هذا نتيجة التهاون و عييت ما نتعلم من فشلي بالرغم من اني كنت من ابرز التلاميذ و هاذي اول نقطة نقولهالكم اتجنبو الغرور شوفو وين وصلني كنت حاطة روحي انشتاين ما نحضرش الدروس مفصلة نقرا غير الحاجة الصعيبة تمرين ساهل جامي نروحلو و في الاخير ريحوني الحوايج الساهلين ثاني نقطة ما تحقروش المواد الادبية منها السبور اي نقطة تجيبها راهي في صالحك و هي اللي تهزك باكي الاخير المواد العلمية خدمت فيها و الادبية والو هي اللي هبطتني ثالث نقطة اخطيكم من التكاسل و انفضو ريشكم كلش يفوت التعب و القلقة اخطيكم من التلفاز و الميكرو راهو مضيعة للوقت امباعد ما تجيب الباك كلش يتعوض لانترنات ما هيش راح تهرب و المسلسلات كلش يتعاود بصح الباك راح عام من عمرك رابع نقطة ماتقولش انا منعرفش نقرا مستحيل نجيب الباك حذاري الباك راهو في متناول الجميع شوية ارادة وشويد جهد فرات وبزاف معايا كانو لا علاقة و هما درك سكدو القراية و انا مزالني ندور في بلاسة وحدة
اخيرا و الله يا جماعة عدم النجاح شعور ما نتمناه حتى لواحد البكا و المرض القلقة الهم كامل فوق راسك العمر راهو يجري و هاذو اعوام احسبهم من عمرك و الدروس مفصلة الخصوصية ماشي ديما تنفع بالاك تنفع اللي خاصة تكون غير وحدك انا قريت و ما جابو معايا حتى نتيجة اللي يحب يقرا يقرا وحدو انا كيما نتفكر تغيضني روحي و ندمت بزاف مي واش فادني الندم
و التقني رياضي ركزو مليح في الهندسة مادة التخصص قادر تجيب حتى 19



https://fbcdn-sphotos-d-a.akamaihd.n...93518507_n.png
©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى©