مشاكل الدراسة وحلولها

الدراسة ومشاكلها وبعض الحلول
لقد اصابتني في الفترة الاخيرة خوف من الدراسة واحببت ان اضع الموضوع لكي يفيد كل من لديه مشكلة في دراسته وخاصة من يسعى للتفوق وليس احراز نتائج عادية .

_الحقيقة من ابرز مشاكل الدراسة هي الملل .احيانا الانسان لما يكتر دراسة يمل وهي المشكلة محلولة بان يضع برنامج فيه عدد ساعات منتظم من الدراسة وفيه عدد ساعات جيد من الاستراحة ولا يمكننا تقديم برنامج معين لان كل انسان له طريقته والمهم الحصول على النتيجة . وطبعا برنامج الدراسة يلي بالمدرسة غير برنامج الدراسة قبل الامتحان شامل . في حال الامتحان شامل سوف تضطر الى تقليل عدد ساعات الاستراحة وفي البعض يليغها تقريبا . كما قلت كل انسان ويلي يريحو.

_وايضا هناك مشكلة هو ان البعض يكره الدراسة كلها وفي هذه الحالة عليك بان لا تستجيب لنفسك وتكمل دراسة وحاول لا تضل تفكر اني بكره هي المادة لانو بهي الطريقة عقلك الباطن ما عاد يتقبل الدراسة بشكل عام او دراسة مادة معينة و احيانا يصير يجع راس الواحد لما ييدرس المادة يلي يكرهها وانا حصلت معي . في مادة كنت اكرهها بشدة ودائما مقتنع انها صعبة ومقرفة والخ . قمت قلت لنفسي يعني لايمتى ؟ الى وراك وراك ما رح تخلص منها لتقدمها وتنجح فيها وتجيب درجة ممتازة كوني اسعى دائما للتفوق . صرت حاول اني ما فكر بقبحها وامسك المحاضرة وادرسها مباشرة وحتى احيانا صير طالع ايجابيات المادة حتى حبب حالي بدراستها . وفعلا حصلت على نتائج افضل

_المشكلة التالتة هي لما الواحد يحصل على شلة ناس كسولين وغير مجتهدين فسوف ينعدي منهم . يعني رح يصير كسول متلون . وحتى لو ما صار كسول رح يصيبه الخمول ولما يحاكيون علتلفون يقولون له (ارحم حالك شوي وتعال نتسلى ) او كل ما يسالون وين صرتوا بالدراسة يقولوا والله لسا لا نزال بالدرس رقم 2 مثلا يقوم الشخص يقول يالله مو بس انا مقصر وهم كمان وعفكرة هالشي بصير بعقلك الباطن مو قرار منك . افضل طريقة حتى تضل بمستوى ممتاز هي انك تصادق ناس شاطرين ومميزين و حاول تتجاوزهم ولما تلاقي حالك تجاوزتون دور علي اشطر حتى تصير الاول . وانا ايضا جربتها . هو انا ما صادقت ناس كسالى بس الحقيقة لا اصادق احد بس جربت صادق واحد متميز اكتر مني بشوي فعلا كل ما حس بخمول بالدراسة قوم حاكيه تلفون يقلي انه صار بالمحاضرة مثلا 10 وانالا ازال مثلا بالمحاضرة 2 .انا اسمع انو سابقني بكتير بتجيني همة الدراسة وبروح بدرس وبصير موازي له او اتجاوزه احيانا .

_ المشكلة الرابعة هي عدم وجود مكان تدرس فيه بالبيت. وهي المشكلة حلها ليس صعب كتير .يعني اذا كنت طالب جامعي ادرس بالجامعة . او مثلا روح على شي مكتبة وسجل فيها وادرس هنيك خاصة يكون بالمكتبة الوضع هادئ تماما وممنوع الكلام . او حتى روح على شي حديقة . في البعض يحبو يدرسو بجو ريلاكس علاخر يقعدوا بين الشجر . بس اياكم ثم اياكم ان تروحو لعند اصدقاءكم وتدرسوا عندون لانو الواحد بس يشوف ناس تانيين يصير يلتهى وينشغل وينسى اني انا هون لادرس . طبعا الغالب مو الكل بس مو نصيحة ابدا تدرس مع صديق. وايضا لاتدرسو على صوت الموسيقى لانو الموسيقى تشتت الانتباه يقوم العقل يصير يحفظ صوت موسيقى مع الدراسة تجي بالفحص ما يقدر يتذكر العقل شو كنت عم تدرس لانك كنت حاطط منبه تاني بجنبك يلي هو الموسيقى . ويلي بقول انه ما بيقدر يدرس غير على الموسيقى فاكيد ليس متفوق وانما مستواه عادي .طبعا غالبا حتى ما يقلي احد اسثناءات .

_ المشكلة الخامسة هي قلة النوم او الاكل وفقر الدم . طبعا واضحة يلي ما بنام منيح ما رح يكون عقله منفتح 100 % واجمالا عدد الساعات وسطيا للانسان هي 6 ساعات نوم . تكون كافية ليرتاح العقل ويستعيد نشاطه ويرتب المعلومات يلي حفظتها قبل بيوم او قبل فترة . واكيد قلة الاكل نفس الشي تشتت الانتباه لانو العقل يصير يلح بدو غذاء وانت تطنش يقوم هو ما بيخدمك لتعطيه اكل ههه . وكمان فقر الدم يسبب انخفاض بمستوى الذكاء لانو غذاء العقل هو السكر والدم الذي يحمل الاكسجين . ويلي معو فقر دم يروح يتعالج ويشوف بعد ما يصير خضابه مية المية رح يلاحظ تحسن كبير بالتذكر وسرعة الحفظ والتركيز.


_ المشكلة السادسة هي الخوف من البدء بالدراسة . وهي عفكرة مشكلة تعيق الدراسة بشكل واضح وتصير معي لما بنقطع فترة عن الدراسة وبرجع بعدها . المهم احيانا احصل على عدد محاضرات كبير و على الرغم من وجود وقت كبير لدي يعني دراسة عادية مو دراسة امتحان شامل بس بخاف وبرتبك لاني بفكر انو الطلاب الاكثر شطارة يكونوا خلصو ما عليهون وانا لسا هنا . و احيانا بكون خلال اسبوع بقدر الحق بهم بس كل مرة بخاف وبفكر اني غير قادر وكل مرة بقول خلص من اليوم رح بلش وكل يوم ما ببدا . الحل بهي المشكلة وجدت حلين . طبعا عن تجربة شخصية . اول حل انك تستيقظ من الصبح بتقوم بتحس انو معك وقت كبير لنهاية النهار وبتصير تدرس عمهل بتوصل لنهاية النهار خالص مقرراتك تبع اليوم . الحل التاني هو انك تبدا بدون مقدمات وتخلصنا 
بتلاقي حالك لما خلصت مقررات يومك بتجلس متهني وفرحان والله بتحس براحة .

_ المشكلة السابعة البعض يحب انو يطالع اشاعات يكسر همم بقية الطلبة ارضاء لشعورو انو كسلان لابدي ادرس ولا بدي خلي حدا احسن مني.او في البعض تحب تنشر اشاعات هيك بدون سبب . يعني بس لانها تحب هالشغلة
والحل لا تسمع من حدا مطلقا لانو والله هي الاشاعات بتخلي الواحد يتحبط وتخف دراستو . مثلا البعض ينشر ان المدرس او بورفيسور الجامعة قال والله رح جيب اسئلة بتموت من كتر مو صعبة . بقوم البعض يخاف ويرتبك وما عاد يعرف يدرس .
الحقيقة هي ابرز مشاكل الدراسة وبعض حلولها ويلي عندو أي اضافة او تعليق انا مستعد للتجاوب معه بس باحترام
ونصيحة شخصية دائما ابدوا بالمادة الصعبة تدرجا للمادة السهلة او مثلا مادة صعبة بعدين سهلة بعدين صعبة بعدين سهلة لانو في حال بديتو بالسهل ما تتجرؤوا على الاقتراب من الصعب وما رح تدرسوا المادة الصعبة بعمركون بينما ما تبلشوا بالصعبة وتخصلها تروح عالسهلة تلاقي نفسك عم تكرج فيها متل المي لانو عقلك استقبل شي اصعب وهلق عم تعملو متل رياحة بمادة سهلة .
ونصيحة تانية قبل الامتحان شاملا ارضو اهلكون كتير مشان الله يفقكون هههه عم امزح دائما كونوا مرضيين .
ونصيحة شخصية مني لما تدرسوا لا تخلطوا اربع خمس مواد سوا بل خليكون عمادة وحدة خلال فترة معينة لانو العقل بضل تركيزه بنفس المنطقة وما بيتشتت حتى لو مليتو وداق خلقكون معلش . ولا توقعوا بمشكلة سوء التنظيم وفي حال ما عرفت تنظم لحالك برنامج شوف حالك لاي طالب شاطر بالمدرسة او بالجامعة انت اقرب بتروح بتاخد برنامجو وبتجرب وبتشوف اذا مشي كان بها اذا ما مشي الحال روح لعند معلمك
طبعا مو تصير بدك تجرب قبل الامتحان شامل . التجربة بالوقت العادي .
والله الموفق للجميع [



https://fbcdn-sphotos-d-a.akamaihd.n...93518507_n.png
©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى©