السلام عليكم غالياتي
اليوم جبتلكم وصفة (جزائرية) لحلوى التشاراك لكن مختلفة على الوصفة (جزائرية)
لي متعاودين عليها
ولي فيها 3 كيلات فرينة بكيلة سمن هذا الوصفة (جزائرية) نحضرها بعجينة
تسمى العجينة السحرية وهي اكثر من راااااائعة الحلوى تذوب
في الفم صراحة احسن وصفة (جزائرية) جربتها على الاطلاق
المقادير:
كيلة سمن ذايب وبارد
كيلة زيت
كيلة حليب سائل
فرينة
http://http://up.top4top.net/uploads/2014/0...7cf59d2871.jpg
نخلط السمن مع الزيت والحليب ونضيف الفرينة تدريجيا حتى نتحصل على عجينة
متماسكة مالا زمش تكون طرية يعني تكون حاكمة روحها لانها مبسسة مليح واذا
كانت طرية كي نحطها تطيب ما تحافظش على شكلها
http://http://up.top4top.net/uploads/2014/0...3548869811.jpg
نشكل كويرات انا عملتهم بحجم 28غ ولي تحب حجم صغير تعمل اقل
http://http://up.top4top.net/uploads/2014/0...e247310701.jpg
نغطيها ونخليها ترتاح
من جهة نحضر الحشو
انا عملت نوعين من الحشو
الحشو الاول: الحشو لي متعاودين عليه
3 كيلات لوز مرحي،كيلة ناقصة شوية سكر،قرفة،زوج م ك زبدة ذايبة
http://http://up.top4top.net/uploads/2014/0...b936aad971.jpg
ونلم بماء الزهر مالازمش نكثر لازم يبقى الحشو متناثر
الحشو الثاني:
كيلة ونصف كاوكاو محمص ومرحي،كيلة جلجلانية محمصة،كيلةحلوة الترك،معجون
نلم به الخليط
http://http://up.top4top.net/uploads/2014/0...fe5306d991.jpg
ناخذ كويرة من العجينة نبسطها بالطول ونحط كمية من الحشو
http://http://up.top4top.net/uploads/2014/0...7c20a9fdc1.jpg
نلف الحلوى وفي نفس الوقت نحاول نخرج الهواء منها
http://http://up.top4top.net/uploads/2014/0...6305013fc1.jpg
ونعطيها شكل التشاراك
http://http://up.top4top.net/uploads/2014/0...5023346771.jpg
ندخل الحلوى تطيب ونخليها تبرد تماما
في هذا الوقت نحضر الشربات:
كيلة سكر+3 كيلات ماء نحطهم على النار ونحسب 15 د بعدها نضيفلهم شوية
عصير ليمون ونطفي
بعدما تبرد الشاربات نغطس فيها الحلوى ونحطها تقطر في كسكاس
ناخذ كيس فيه سكر رطب نحط فيه حبة التشاراك ونغلق ونحرك نحط الحلوى فوق
مشبك حتى تبس ونعاود نحطها في السكر الرطب كيما المرة الاولى وعند التقديم
نرش فوقها سكر رطب بالصفاية وهذا شكلها
http://http://up.top4top.net/uploads/2014/0...eede98de61.jpg
http://http://up.top4top.net/uploads/2014/0...d290b956b1.jpg
نتمنى تعجبكم الوصفة (جزائرية) وتجربوها لانها فعلا تذووووووب في الفم وبنينة بزاف سواء
بحشوة اللوز او الكاوكاو
في امان الله
https://fbcdn-sphotos-d-a.akamaihd.n...93518507_n.png
©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى©
