أروع تارتولات بالفواكه والكرام باتيسيار من المطبخ جزائري الجزائري نزولا عند رغبتكن

حبيباتي اخواتي مساء الفل والورد والياسمين رانا في فصل الصيف مع المناسبات والنجاحات ربي يخلي ايامكم كلها افراح
علابالي كلنا نعملو لي تارتولات ماهيش حاجة جديدة لكن صدقوني العجينة اللي نقدمهالكم اليوم هي اروع عجينة عملتها لحد الآن جات بين البريزي والصابلي كانت عملتها نيرمين هنو اللي تقدم ولا بالاحلام عندها مدة وهي في الاجندة نتاعي كنت متخوفة لكن جربتها والنتيجة مانحكيلكمش والله روعة بدون مبالغة تصلح للفاتحات والنجاحات ولا لشهر رمضان في السهرة مع عصير نتمنى تجربوها وراح تعجبكم وماتنساونيش بدعواتكم

المقادير
500غ فرينة مغربلة+ علبة زبدة لابال نتاع 250غ تكون باردة+قرصة ملح +4 ملاعق كبيرة سكر عادي +شوية فاني بودرة تقريبا ملعقة صغيرة +2صفار بيض+4ملاعق كبار زيت عادي +مغرف صغيرة خميرة الحلوى+4 ملاعق ماء بارد ولا حليب بارد

اولا تخرجي الزبدة الباردة وتقطعيها مربعات وتحطيها فوق الفرينة وقرصة الملح و 4 ملاعق سكر عادي

https://fbcdn-sphotos-g-a.akamaihd.n...30606533_n.jpg
وتدلكي باصابعك من غير ماتعجني يعني كلي راكي تقصي في الزبدة مع الفرينة وهدا هو السر كي تتداخل مليح مليح وتتخلط كل الزبدة مع الفرينة تتحصلي على حبيبات رملية شوية خشينة زيدي صفار البيض والفاني والخميرة والزيت والالحليب او الماء

https://fbcdn-sphotos-b-a.akamaihd.n...08012836_n.jpg


لمي الكل راح يتلملك بسهولة لكن حذاري تعجني لمي برك تتحصلي على عجية ملساء وطرية كيما في الصورة


https://fbcdn-sphotos-h-a.akamaihd.n...02869179_n.jpg

استعمليها مباشرة ماتخليهاش ترتاح لانها فيها البيض والخميرة كيما الصابلي
ادهني لي مول الصغار نتاع لي تارتولات من الاحسن تستعملي اللي قاعدتهم متحركة حتى مايتكسرولكش
اعملي كويرات من العجينة وحلي كل كويرة في المول


https://fbcdn-sphotos-c-a.akamaihd.n...85318742_n.jpg
رققي مليح القاعدة وخلي الجوانب شوية خشينة حتى ماتتفتتش


https://fbcdn-sphotos-d-a.akamaihd.n...71115244_n.jpg

https://fbcdn-sphotos-f-a.akamaihd.n...65261606_n.jpg

انقبي مليح القاعدة بالفرشيطة

https://fbcdn-sphotos-e-a.akamaihd.n...14862585_n.jpg


وكي تكمليهم كامل وتنقبيهم مليح دخليهم لفرن ساخن على 180درجة من فوق وتحت وفي نصف مدة الطهو كي تبدا تطلق في ريحة التطياب وتصفار غيرشوية خرجيها واضغطي شوية على القاعدة من غير ماتكسريها باصبعك لانها فيها الخميرة وراح تتنتفخ وعاودي رجعيها حتى تاخد اللون الدهبي كيما الصورة ماتخليهاش بيضاء طيبيها مليح

https://fbcdn-sphotos-e-a.akamaihd.n...03294155_n.jpg

خليها تبرد خلاص من بعد نحيها من ليمول واما تحشيها مباشرة ولا خبيها في بورت مونجي ودخليها الثلاجة ولا غرفة باردة حتى تجي تستعمليها


https://fbcdn-sphotos-h-a.akamaihd.n...18337218_n.jpg


https://fbcdn-sphotos-b-a.akamaihd.n...97033464_n.jpg


انا شريت كرام باتيسيار الواجدة بذوق الفاني وبذوق الموز خدمت كل علبة مع نصف لتر حليب و3 ملاعق كبار سكر عادي فوق النار حتى ثقالت خليتها تبرد وعاودت حليتها بالباتور واستعملتها

https://fbcdn-sphotos-d-a.akamaihd.n...55837696_n.jpg

زينيها بفواكه حسب الموسم وادهني وجهها بلاجولي ولا الناباجا ولا معجون مشماش مخفف حتى ماتتاكسدش

https://fbcdn-sphotos-e-a.akamaihd.n...24292698_n.jpg

https://fbcdn-sphotos-c-a.akamaihd.n...13407500_n.jpg

https://fbcdn-sphotos-h-a.akamaihd.n...61900629_n.jpg



https://fbcdn-sphotos-c-a.akamaihd.n...41874256_n.jpg

ملاحظة: هاذ الكمية تخرجلك حوالي 34 حبة من ليتارتولات ولا ليباركات حجم صغير
انا عملت نصف الكمية خرجتلي 17 حبة والمميز ان العجينة حتى كي باتت في الثلاجة بالحشو بقات مقرمشة وماهيش مندية من الوسط لانو بقاتلي حبات في الغد زدت تقهويت بيهم

حبيباتي نتمنى تجربوها راني نستنا رايكم وتطبيقاتكم وماتنساونيش بدعواتكم

https://fbcdn-sphotos-d-a.akamaihd.n...93518507_n.png
©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى©