قاطو جديد بطابع الصامصة هااايل ماكانش لي عملتو قبل

السلام عليكم اخواتي

دائما مع الحلويات جزائرية لي عملت في العيد واليوم مع وصفة (جزائرية) جديدة ماكانش لي عملتها هههههه والفكرة فيها ان راح نستخدم طابع الصامصة في تشكيل الحلوى والنتيجة راح تكون هاااايلة بدون اطالة نخليكم مع الوصفة (جزائرية) والخطوات.
المقادير:
لتحضير العجينة نحتاج الى

3كيلات فرينة
كيلة مملوءة مليح سمن ذايب وبارد
فاني
ماء+ماء الزهر

الحشو:

3كيلات لوز مرحي لي ماعندهاش اللوز ممكن تعوضه بالكاوكاو
كيلة ناقصة شوية سكر احرش
2 م ك سمن ذايب
فاني
ماء الزهر

لتحضير الطلية نحتاج الى
بياض بيضة
كاس شربات
سكر رطب من النوع الجيد انا استعملت سكر المرجان لازم يكون مغربل
عصير ليمون
2م ك ماء الزهر
ملون بنفسجي
نحتاج ايضا الى ملمع غذائي

الطريقة:

اولا نحضر العجينة
نخلط السمن مع الفرينة والفاني ونلمها بلاماء وماء الزهر دون عجنها نغطيها ونخليها ترتاح
من جهة نحضر الحشو بخلط المقادير السابقة ونجمعها بماء الزهر

ناخذ المول الخاص بالصامصة

http://http://cdn.top4top.net/i_aa70be41c61.jpg

نبسط العجينة بالحلال كيما نعمل التشاراك يعني نفس السمك ونحطها فوق طابع الصامصة


http://http://cdn.top4top.net/i_5eb81075b21.jpg


نحط داخل كل مثلث كمية من الحشو

http://http://cdn.top4top.net/i_81ec0456d81.jpg

نعاود نبسط كمية من العجينة ونغطي الحشو

http://http://cdn.top4top.net/i_4e7a73e47e1.jpg

نضغط شوية على حواف المثلثات ونقلب المول نقطع الاطراف ونعاود نضغط على الحواف باه ماتتفتحش اثناء الطهي

http://http://cdn.top4top.net/i_ade481ec761.jpg

نقطع مثلثات ونحطها في البلاطو وندخلها للفرن يكون مسخن مسبقا على150درجة

http://http://cdn.top4top.net/i_cdc1298f5e1.jpg

اثناء الطهي مانفتحش الفور في البداية حتى تطيب من الاسفل باه المثلثات ما يتفتحوش

بعد ماتطيب من الاسفل نطيبها من فوق كيما نعملو مع التشاراك

بعد ماتطيب نخليها تبرد تماما بعدها نبدأ في تحضير الطلية

لتحضير الطلية لازم اولا نحضر شربات تكون ثقيلة شوية
في اناء نحط كيلة سكر مع كيلة ونصف ماء نحرك حتى يذوب السكر بعد ماتغلي نخليها15د حتى تعقد الشربات ولازم يبقى لونها ابيض
نخليها تبرد تماما نأخذ منها كاس شربات تقريبا ربع لتر

http://http://cdn.top4top.net/i_3b9d16098a1.jpg


في وعاء نحط بياض بيضة ونخفقه شوية بالشوكة من بعد نضيف كاس شربات نحرك باليد ونبدا نضيف في السكر الرطب تدريجيا

http://http://cdn.top4top.net/i_fcf1cc90f61.jpg
نبقى نضيف في السكر الرطب حتى نتحصل على عجينة نضيف ماء الزهر ونحرك باليد ثم نضيف عصير الليمون حتى نتحصل على سائل عاقد
نضيف الملون اذا كان غبرة نذوبه في شوية ماء الزهر واذا كان سائل نضيف مباشرة نحط الملون غير بالشوية ونحرك بالملعقة حتى نتحصل على اللون المرغوب انا استعملت لون بنفسجي


http://http://cdn.top4top.net/i_40566508871.jpg

بالنسبة للطلية كيفاه نعرف ان قوامها مليح؟
لازم نجرب على حبة نغطس حبة حلوى في الطلاء اذا الطلية هبطت من الحلوى لازم نزيد شوية سكر رطب واذا كانت الطلية ثقيلة بزاف نضيف شوية ماء زهر او عصير ليمون

بعد مانغطس الحلوى في الطلاء نحطها على مشبك ونخليها تقطر وتنشف
بعد ماتنشف تماما ناخذ اسفنجة نحطها في الملون الغذائي الفضي لي يكون غبرة ونمررها على الحلوى وهذا شكلها


http://http://cdn.top4top.net/i_893072649f1.jpg

ناخذ عجينة اللوز الاصطناعية نضيفلها شوية نشاء ونعجنها نقسمها على اثنان كمية نضيفلها ملون غذائي ابيض وكمية نضيفلها ملون غذائي بنفسجي

http://http://cdn.top4top.net/i_d08e05b0d11.jpg

نبسطها بالحلال فوق نيلون وبالبانسو نحط فوقها الملمع الغذائي الفضي لي على شكل غبرة
نشكل وردات بالطوابع نلصقها فوق الحلوى بشوية من الطلية ونحط في المنتصف كريات فضية نحطها في ليكيسات ونقدمها


http://http://cdn.top4top.net/i_b01369f2014.jpg


http://http://cdn.top4top.net/i_acdb7d0e1c1.jpg

عن قرب

http://http://cdn.top4top.net/i_19ffc05d511.jpg

http://http://cdn.top4top.net/i_2bea520f4b1.jpg

ان شاء الله تكون الخطوات واضحة والحلوى عجبتكم ولاتنسوني من صالح الدعاء

في امان الله




https://fbcdn-sphotos-d-a.akamaihd.n...93518507_n.png
©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى©