البراج او المبرجة يذوب في الفم بطريقتي ومن المطبخ جزائري الجزائري بالتفصيل الممل

سلام عليكن حبيباتي راهو قريب فصل الربيع وانا سبقت الفرح بليلة كيما يقولو وحبيت نحطلكم طريقتي في عمل البراج يجي لذيذ ويذوب في الفم وكيما العادة بريزونتابل ممكن تعملوه لضيف ولا تبعثوه لاهلكم واحبابكم انا بعثت لاختي اللي في العاصمة نتمنى يعجبكم


اولا لازم تكون الكيلة هي نفسها اللي تستعمليها في السميد والسمن والغرس ان كيلت بالصحن نتاع الشربة لاني عملت كمية كبيرة انتي ممكن تجربي بغرفية صغيرة ولا بكاس
2كيلات سميد او دقيق كيما نقولو احنا يكون من من التعليم المتوسط الى شوية خشين مالازمش تستعملو الرقيق اللي كيما الفرينة وحطي معاه شوية ملح حسب الرغبة ممكن اقل شوية من اللي تعمليه للكسرة او الخميرة انا عملت زوج قرصات صغار ملح لاني عاملة زوج كيلات دقيق

http://sphotos-f.ak.fbcdn.net/hphoto...69464352_n.jpg
1كيلة سمن ذايب او زبدة ذايبة ممكن تستعمل سمن مدينة ولا زبدة لابال

http://sphotos-c.ak.fbcdn.net/hphoto...63893289_n.jpg
كيلة غرس يكون منقي ومرحي ومفور حتى يولي طري تزيدي تعجنيه مليح مع 3ملاعق سمن وممكن تزيديلو ماء زهر وقرفة وشوية فقط قرنفل وخلطي انا نستعمل حاسة الشم حتى نعرف اذا يحتاج المزيد من القرفة ولا لا المهم كي يولي طري ويلصق ادهنيه بالزيت وخليه على جنب

http://sphotos-d.ak.fbcdn.net/hphoto...37738930_n.jpg
كمية من الجلجلانية المحمصة
ماء وماء زهر قادر ياخد معاك نصف الكيلة وممكن اكثر وممكن اقل حسب نوع السميد ماتتقيدوش بهاد المقدار وخلي عينك هي ميزانك
التحضير
حبيت نقلكم بلي المكيال مهم لكن الاهم في عمل البراج هو طريقة التحضير لانك قادرة تعملي نفس المكيال اللي تلقايه وماتعرفيش التحضير مستحيل تتحصلي على نفس النتيجة
اولا خلطي السميد مع الملح وزيدي فوقهم السمن الذايب وابداي بسسي السميد

http://sphotos-g.ak.fbcdn.net/hphoto...11158322_n.jpg
وافركي بصباعك حتى يدخل فيه كل السمن ويولي حبيبات صغيرة كي الكسكسي
ابداي زيدي الماء وماء الزهر بالتدريج وكل مرة افركي بيدك وحذاري تعجني هذا هو اكبر خطأ اللي يخلي البراج مايجيش مبسس ويتفتت في الفم لازم ديما تخلي الخليط كي الرمل كي تحسي بلي الخليط بدا يتلم جربي حطي كرة منو في كف يدك واضغطي عليها شوية ادا لقيتيها تجملت وتلمت اعرفي بلي هذاك هو المطلوب ماتزيديش الماء
طريقة التشكيل
اولا لازم تحضري غلاف بلاستيكي كيما اللي نغلفو بيه السنيوة او الطاولة في العراس لانو هو اللي يساعدك في العمل نظرا لان العجينة هشة وتتفتت
اقسمي العجينة الى كرتين من نفس الحجم
حطي الكرة الاولى فوق الغلاف البلاستيكي وغطيها بغلاف تاني وحليها شوية بالحلال وماتخافيش اذا لقيتي بلي شوية تتفتت ماشي مشكل راح ترجع تتلم وتحافظ في نفس اتلوقت على التبسيس اللي فيها ثم ذري فوقها طبقة من الجلجلان المحمص

http://sphotos-b.ak.fbcdn.net/hphoto...64534378_n.jpg
فوق غلاف تاني حلي الغرس بنفس الطريقة وبنفس الحجم

http://sphotos-e.ak.fbcdn.net/hphoto...18895767_n.jpg
وحطيه مباشرة فوق الكرة الاولى نتاع العجينة باستعمال هداك الغلاف اللي راح يساعدك بزاف
http://sphotos-h.ak.fbcdn.net/hphoto...44634221_n.jpg

وزيدي ذري فوق الغرس طبقة اخرى من الجلجلان

http://sphotos-f.ak.fbcdn.net/hphoto...69866206_n.jpg
زيدي حلي كرة العجين الثانية بنفس الطريقة وبنفس الحجم وحطيها فوق الغرس
اغلقي مليح الجوانب بالعجينة وغطيها بالغلاف البلاستيكي وابداي حلي بالحلال من الوسط الى كل الجوانب
http://sphotos-e.ak.fbcdn.net/hphoto...64607278_n.jpg

اذا قدرتي اقلبيها وكملي حتى توصلي للسمك المطلوب اللي هو تقريبا 1سم

http://sphotos-d.ak.fbcdn.net/hphoto...94298431_n.jpg
انزعي الغلاف من فوق واما تقطعي بالسكين مباشرة مقروضات كبيرة ولا تعملي كيما انا
عملت خطوط وهمية بالسكين من غير مانضغط عليهم

http://sphotos-c.ak.fbcdn.net/hphoto...16178550_n.jpg
وقطعتهم بآلة مشرشفة نستعملها في تقطيع المقروض نسيت ماصورتهاش راح تمد للحبة منظر جميل خاصة الجوانب اللي تجي مشرشفة قطعي كل الحبات بنفس الطريقة
http://sphotos-d.ak.fbcdn.net/hphoto...15590016_n.jpg

ونروحو لطريقة الطهو
انا نوريلكم طريقتي تخلي الحبات تجي متحمرة وطايبة بنفس الدرجة من غير ماتتحرق ولا تعمل دخان
فوق الطابونة حطي طاجين الحديد اللي تعملي فيه الكسرة خليه يسخن مليح

http://sphotos-e.ak.fbcdn.net/hphoto...70934997_n.jpg
وحطي فوقو الطاوة او الطاجين اللي نعملوه للشخشوخة ونقصي شوية فقط النار يعني تكون من التعليم المتوسطة ماشي هادئة

وممكن تعملي طاجين نتاع الطين ادا ماعندكش نتاع الحديد وحطي فوقو الطاوة عادي بصح خليه يسخن مليح مليح والحبات راح تاخد منك وقت اكثر حتى تطيب
حطي الحبات من غير ماتكثري حتى تقدري تطيبيها من غير ماتتحرق واظغطي عليها بلطف من الوسط حتى تطيب كل الجهات بنفس الدرجة انا تقابلت انا وماما وطيبنا مع بعض http://www.4osraty.com/vb/images/smilies/908273[1].gif

http://sphotos-b.ak.fbcdn.net/hphoto...03162537_n.jpg
كيتقلبيها استعيني بسكين واقلبيها بلطف حتى ماتتفتتش وكي تحمار من الجيهتين نحيها وخليها تبرد تماما
وقت التقديم امسحي وجها بلطف بمنديل ورقي حتى تروح كل الحبيبات نتاع السميد اللي تجي في الوجه وقدميها باردة وممكن تحتفظي بيها في علبة مغلوقة حتى 15 يوم وممكن اكثر لاننا في فصل الشتاء
وهذا الشكل النهائي

http://sphotos-h.ak.fbcdn.net/hphoto...01496002_n.jpg

http://sphotos-c.ak.fbcdn.net/hphoto...54448216_n.jpg


http://sphotos-f.ak.fbcdn.net/hphoto...28322661_n.jpg

شوفو الطبقات كيفاه متساوية امممممممممممممممم والتشرشيف زاد خلاها بريزونتابل

http://sphotos-d.ak.fbcdn.net/hphoto...18995185_n.jpg
نتمنى ينال اعجابكم وراني كي العادة نستنى رايكم وتقييمكم وتطبيقكم
في أمان الله

__________________



https://fbcdn-sphotos-d-a.akamaihd.n...93518507_n.png
©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى©