صابلي الميرانغ لعيون حبيبتي أم ماجد

السلام عليكم ورحمته وبركاته


تلبية لطلب حبيبتي أ م ماجـــــــــد اني نحط الوصفة (جزائرية) نتاع صابلي الميرانغ

رايحة نحطواااا و يكون أول موضوع لي في قسم الحلويات جزائرية لكن راني ما صورتش المراحل غير المرحلة النهائية

نبدأ على بركة الله

Sablés a la meringue
*المقاديـــــــر*
pour la pate


-250 غ زبدة
-4صفار بيض
-150غ سكر قلاصي
-فاني او zest القارص
-1شكارة خميرة كيميائية
-500غ فرينــــــــــــــة

Pour la meringue

-4 بياض البيض
-300غ سكر قلاصي
*التحضيـــــــر*

ديري الزبدة و زيدي الصفار والسكر والفاني او بشور القارص و خلطي مليح

ثم ضيفي الفرينة والخميرة حتى تتحصلي على عجينة ما تكون طرية ما تكون يابسة

حليها بالحلال وشكليها دوائر كما في الصورة او الشكل لي تحبي انتي

ديريهم في سينيه وادخليهم للفرن يطيبوا حوالي 10 دقايق

لما يطيبوا خرجيهم من الفرن واخدمي الميرانغ

** طلعي بياض 4 بيضاتوضيفيلوا السكر قلاصي بالشوي حتى تتحصلي على ميرانغ

- زينيهم بالميرانغ بواسطة poche à douille كما في الصورة

وعاودي دخليهم للفرن حتى يحمار الميرانغ مدة 10 د على نار هادية وخلي باب الكوشة مفتوح

كي تشوفي الميرانغ بدا يحمار خرجيه وديريلوا في الوسط معجون ملون

ان شاء الله تكوني فهمتي حبيبتي ام ماجد وتكونوا فهمتوا كامل راه ساهل

نخليكم مع الصورة توضح اكثر



http://www.up.dzbatna.info/uploads/137822033754981.jpg


ملاحظة


نسيت نقول حاجه لأم ماجد يمكن ما تعرفهاش
نقولك انك غالية بزاف على قلبي ونكن لك كل الاحتـــــرام والتقدير
ربي يحفظك

http://www.dzbatna.com/images/smilies/19.gifhttp://www.dzbatna.com/images/smilies/19.gifhttp://www.dzbatna.com/images/smilies/19.gifhttp://www.dzbatna.com/images/smilies/19.gif





https://fbcdn-sphotos-d-a.akamaihd.n...93518507_n.png
©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى©