ليزاموندين بالمورانغ روووووعة

السلام عليكم غالياتي
حلوى ليزاموندين حلوى معروفة هي عبارة عن عجينة الصابلي نحطها في لي مول ونحط في الوسط كريمة فرانجيبان لي هي عبارة عن زبدة ولوز وسكر وبيض وكمية من الفرينة
انا اليوم عملت لي زاموندين بحشوة مختلفة بدل كريمة الفرنجيبان عملت المورانغ مع اللوز والنتيجة كانت راااائعة
المقادير
العجينة:
250غ مرقرين
125غ سكر رطب
2صفار بيض+بيضة كاملة
ملعقة صغيرة فاني
500غ فرينة
الحشو:
2بياض بيض
100غ سكر
فاني
175غ لوز مرحي
للتزيين:
رقائق اللوز محمصة
ناباج
كرز معلب
معجون
الطريقة:
اولا نحضر العجينة
بواسطة الخلاط الكهربائي نخلط السكر والمرقرين جيدا نضيف الفاني والبيض ونخلط ونضيف الفرينة ونلم العجينة دون عجنها نغطيها ونخليها ترتاح.
في هذا الوقت نحضر الحشو
نحضر المورانغ انا استعملت طريقة الغالية ميميشة ربي يحفظها وترجع تنورنا من جديد
حطيت اناء به ماء على النار لما يغلي الماء نقص للنار تماما ونحط فوق الاناء صحن به بياض البيض وكمية السكر المذكورة في المقادير والفاني وبخفق باعلى سرعة بواسطة الخلاط الكهربائي حتى يبيض الخليط ننزع الصحن من على النار ونستمر في الخفق حتى يبرد الخليط تماما وهذا شكلها

http://http://up.top4top.net/uploads/2014/0...ce77f545f1.jpg

نضيف للمورانغ 175غ من اللوز نحرك الخليط ونتركه جانبا
لتحضير هذا الحلوى نحتاج الى هذا النوع من لي مول

http://http://up.top4top.net/uploads/2014/0...7d75dd7f31.jpg

ندهنهم بالزبدة
نبسط العجينة بالحلال حوالي 4مم ونقطع دوائر ونحطها داخل لي مول نثقبها بالشوكة ونحط داخل كل حبة كمية من المعجون مانكثروش غير شوية

http://http://up.top4top.net/uploads/2014/0...45c07d3f11.jpg

نحط كمية من الحشو في كل حبة

http://http://up.top4top.net/uploads/2014/0...adf5f50741.jpg

ندخل الحلوى للفرن يكون مسخن مسبقا على درجة حرارة180درجة حتى تطيب
بعدها نخرجها من الفرن ونخليها تبرد ثم ندهنها بالناباج اومعجون مخفف بشوية ماء زهر ونحط فوقها رقائق اللوز المحمصة ونرش عليها شوية سكر ونزينها بالسوريز كونفي

ونحطها في حاويات ورقية ونقدمها وهذا شكلها

http://http://up.top4top.net/uploads/2014/0...728a36ac31.jpg

http://http://up.top4top.net/uploads/2014/0...3d9bfeba11.jpg

عن قرب اممممم

http://http://up.top4top.net/uploads/2014/0...b0c976c121.jpg

نتمنى تعجبكم الحلوى ولاتنسوني من صالح دعائكن غالياتي ولكن بالمثل
في امان الله




https://fbcdn-sphotos-d-a.akamaihd.n...93518507_n.png
©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى©