[http://www.dzbatna.com/images/smilies/19.gifFONT="Comic Sans MS"][/FONT]
اليوم حبيت نتقاسم معاكم طريقتي في صنع التشاراك
المقادير
العجينة
1كغ فرينة سوسيمي
8 مغارف كبار سكر قلاسي
لافاني
قرصة ملح
250غ مارغارين فلوريال
كاس مخلط 1/2 سمن مدينة دايب+1/2 زيت
1خمارة نوارة
حبة بيض ممزوجة في فنجان ماء الزهر
1/2 كاس حليب
ماء للم العجينة
الحشو :
4 كيلات لوز مرحيبقشورو
1 كيلة سكر عادي
ماء الزهر + مغيرفة سمن
طرقة التحضير
نخلط مكونات العجينة الناشفة بالترتيب نضيف الليدام وندخلو مليح في الفرينة ثم نضيف الخمارة نخلط جيدا بعدها خبة البيض مع ماء الزهر وبعدها الحليب نلم العجينة ثم نزيد نرش الماء بالشوية حتى تتلم العجينة
نشكلها كويرات بنفس الحجم (تقطعلك حوالي 50 حبة )
حضري الحشو بمزج المكونات
ضعي مغيرفة من الحشو داخل الكويرات ثم شكليها هليلات بعدها اطهيها في فرن ساخن على درجة 180
لما تشوفيهم حمارو شوية خرجيهم كي يبردوا مليح
ديري واش حبيتي اما تسكريهم او تطليهم
ملاحظة : عند عجنك العجينة حبسي ادخال الماء في العجينة عندما تلاحظي فيه تموجات بيضاء و كانها رخامة هنا تعرفي انو عجينتك اصبحت جاهزة .
جربوها ما راحش تندموا يجو يدوبو في الفم
وبالصحة والهنا
http://www.dzbatna.com/images/attach/jpg.gif تشاراك.jpg (11.0 كيلوبايت, المشاهدات 121) http://www.dzbatna.com/images/attach/jpg.gif tcharek-mssaker-kikaat-mssakrine-patisserie-a-L-11.jpg (4.5 كيلوبايت, المشاهدات 117)
https://fbcdn-sphotos-d-a.akamaihd.n...93518507_n.png
©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى©
