أسرعن .............. ناباج روعة

السلام عليكم حبيباتي http://www.dzbatna.com/images/smilies/dj_17.gif، راني نشوف بلي راهو بدا موسم les tartelettes و على هذا راني جبتلكم ناباج رائع أنا شخصيا نستعملو و يمد بريق رائع للتارتولات ، نخليكم مع المقادير

* 1 كاس شاي من السكر العادي
* 1 كاس شاي من الماء
* 1 ملعقة صغيرة من النشاء ( المايزينة )
* القليل من عصير الليمون

الطريقة

في كاصرونة حطي الماء + السكر + عصير الليمون و خلطي و حطيه على النار حتى تشوفي بلي ذاب السكر ، في جيه اخرى ذوبي ملعقة النشاء في شوية ماء ، شوية برك ، و ارجعي لخليط السكر و هو فوق النار صبي خليط النشاء كخيط رفيع عليه مع الخلط المستمر ، وابقاي تخلطي على نار هادية حتي تشوفي بلي الخليط ثقال شوية نحيه من النار، خليه يبرد مليح و استعمليه على التارتات نتاعك

* ملاحظة ديري في بالك بلي الخليط كلما راح يبرد راح يزيد يثقال ، يعني ما تثقليهش بزاف كي يكون فوق النار.
حاجة اخرى ، هذا الناباج راكي تقدري تخبيه في الثلاجة ما يصرالو والو ، ما فيهش مواد لي تفسد

نتمنى نكون افدتكن. سلام



https://fbcdn-sphotos-d-a.akamaihd.n...93518507_n.png
©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى©