♥♥ تشيز كيك الفراولة ♥♥ من المطبخ جزائري الجزائري

http://im40.gulfup.com/ePnla.jpg


وصفة (جزائرية) تشيز كيك الفراولة مني الاخوات ومنهم فايزة فيوووزة هههه هاذا وين فرج ربي العالمين باش نكتبها معاودتش درتها متأسفة بزاف لأني نحب نصور الخطوات باش الكل يفهم لكن معليش الخطوات سهلة وبسيطة تبعوا معايا


تشيز كيك لثلاث طبقات
المول لي درت فيه 25سم

http://im40.gulfup.com/bBJPV.gif

الطبقة الاولى :
150 غ بسكوي بيمو أو اي نوع يستحسن يكون بكريمة الفراز مرحي مع اصبع زبدة كي يترحاو رصيهم في المول بواسطة قاعدة الكأس وحطيه لمدة 15د في الفرن ساخن من بعد خرجيه وحطيه على جهة

http://im40.gulfup.com/bBJPV.gif

الطبقة الثانية :
250 ملل حليب
ورقة ونصف جيلاتين (( تكون منقعة ساعة كاملة في الماء البارد جدا ))
6 petit suisse
150غ فراولة مرحية في الروبو + نكهة الفراولة تتباع في قارورات صغار
8 ملاعق كبيرة غبرة الشانتيي

الان سخني الحليب وحطي فيه الجيلاتين بعد ما يسخن وحركيه يذوب وصفيه في وعاء شوي كبير وزيديلو 8 م ك شانتيي وخفقي ملييييييح بالخلاط الكهربائي http://im40.gulfup.com/aBBtp.gif كي طلعي هاذ الخليط زيدي الان petit suisse و الفراولة المرحية + النكهة وخلطي السباتولا برفق
صبي هاذ الخليط في المول فوق البسكي واذا حابة ديري الفراولة على جوانب المول قطعيها شرائح واعدليها على جوانب المول وصبي خليط الطبقة الثانية والى الكونجيلاتوغ

http://im40.gulfup.com/bBJPV.gif

الطبقة الثالثة :
كاين طريقتين :

100ملل ماء + 3 م ك سكر + نصف ورقة جيلاتين + 5 حبات فراولة + نكهة الفراولة ((خليهم يغليو ويطيب شوي الفراز ويذبال انزعيه كوليه ههههه نحتاجو غير الصوص تكون شفافة نوعا ما نخرجوا المول من الكونجيلاتوغ يكون جمد شوي ونصبو الطبقة الثالثة والــــــــــــــى الثلاجة لمدة 4سا

وتقدري ديري كأس ماء + نصف باكي فلان نكهة الفراولة + نكهة الفراولة وخليهم يغليو كيما كي ديري فلان عاااااادي

هاهو شكله انشاء الله نكون أفدتكم وتدعيولي
http://im40.gulfup.com/9u3M0.png
http://im40.gulfup.com/bRUYv.png
http://im40.gulfup.com/isAaX.png




اللهم صلي وسلم وبارك على سيدنا محمد
http://im37.gulfup.com/exzv3.png
http://im37.gulfup.com/hxe6e.png
http://im37.gulfup.com/bt2eb.png



https://fbcdn-sphotos-d-a.akamaihd.n...93518507_n.png
©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى©