حلوى جديدة 2014 من عند يراسمين محل الحلويات وهي في قمة الروعة

يسعد صباحكم
اليوم حبيت نقدملكم وصفة (جزائرية) تاع حلوى لذيذة وشابة خاصة بالافراح وهي سهلة التحضير
وماتقولوليش الصور لانه هذا3 بورطال ينسرقلي منزيدش اندير بورطابل اليكم المقادير"
حلوى بعجينة اللوز
2 علب عجينة اللوز {اتحبي تلونيها مكانش مشكل المهم اللون مع العطر}+ عجينة الجينواز وتكون رقيقة مثل راكي رايحة تصنعي قاتو غولي+ بياض البيض+ الناكخي
1- اخدمي علبة من عجينة اللوز بيضاء اللون {انا نخليها بيضاء}+لفاني واخدميها مليح وحليها بالحلال على طاولة فيها المايزينة حتى تصبح سمك رقيق شوية وتروكيها بجهة
2- تكوني موجدة عجينة قاتو غولي ومطيبتها رقيقة وتروكيها تبرد بجهة
3- اقلبي قاتو غولي على ظهر واطليه بياض البيض مضرب شوية باه يخفاف على كامل القاتو وضعي فوقها عجينة اللوز لازم بنفس حجم طول قاتو الغولي الي حليتيها وزيدي فوتي اعليها بالحلال باه تلصق 2 طبقات مليح ثم اقلبي العجينة الى وجهها الامامي
4- زيدي حلي عجينة اللوز العلبة 2 +لفاني واخدميهم مليح وبنفس طريقة الاولى حلي العجينة على نفس طول قاتو غولي ورقيقة واطليها كامل بالناكخي ثم خذي الوجه الامامي لقاتو غولي اطليه بياض البيض كامل وحطي اعليه عجينة اللوز وفوتي اعليه من الفوق بالرولو المزركش الي فيه خطوط مزركش باه تعطي رسم جميل لطبقة الفوقانية
5- خذي سكين انزعي الجوانب لازم يبقى الشكل مستطيل زيدي قطعيه الى مربعات صغار في الحجم طول5 سم في كل جنب
6- خذي قالب السيلكون خاص بالتزين وضعيه امامك وخذي قطعة من عجينة اللوز +الكاكاوالغامق وخلطيهم مع بعض حتى تعطيك لون بنى وشكلي رسم الكرفاطة بقالب السيليكون واطلي احد جوانب مربع الحلوى ولصقي فيه رسم الكرفاطة وديريهم في شراشف ثم ليكيسات

شهية طيبة
هذا نوع جديد من الحلوى الخاصة بالاعراس وهي فعلا لذيذة وتذوب في الفم وتصلح لكل مناسبة انتظروني مع وصفة (جزائرية) اخرى الخاصة بحلويات2014
نتمى اني اشرح مفصلت بطريقة مبسطة باه الكل يفهم الحلوى




https://fbcdn-sphotos-d-a.akamaihd.n...93518507_n.png
©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى©