اليوم جبتلكم تارت عيد ميلاد
و هاذي درتها لعيد ميلاد زوجي
ربي يحفظو و يعيشو ليا و الأولاد
أولا التارت فيها 2 قرصات ، مقادير القرص الواحد هي:
* 5 بيض
*125غ سكر عادي
*60غ فرينة
*65غ نشاء
*1 خميرة القاطو
*قشور الليمون
الطريقة:
في خلاط كهربائي نطلع بياض 5 بيضات+125 سكر كالثلج، بعد ذلك نضيف 5 صفار و نخلط بهدوء باش مايهبطش البياض+ **فرينة+نشاء+خميرة** مغربلين باش يدخل الهوا و نخلط برفق حتى نتحصل على خليط متجانس ثم نفرغه في مول مدهون بالزبدة و مرشوش بالفرينة و نطيبها مثل المسكوتة أي نار هادئة
و الفرن لا نفتحه أثناء الطهي و نتركها حتى تصبح ذهبية اللون و نخليها تبرد
*** نعيد الكرة و نخدمو القرصة الثانية و نخليوهم يبردو
بعد ذلك كل قرصة نقسمها على 2 من الوسط فبذلك نتحصل على 4 قرصات
تحضير الكريمة: بعيدا عن النار نخلط في كسرونة:
1 لتر حليب+6 صفار بيض+6 م ك نشاء+1 م ك زبدة+سكر عادي حسب الحلاوة "كل واحد يدير على حساب الذوق" ثم نضعها عل النار و نحرك لكي لا تلتصق حتى تصبح كثيفة ثم نبعدها عن النار و نضيف عصير و برش ليمونة و نتركها جانبا حتى تبرد
أثناء ذلك نحضرو الكريما
نبداو نسقيو الطبقة الأولى بالشاربات بارد ثم ندهنها بالكريمة ثم نقطع حبة موز من فوق
ثم نضع فوقها الطبقة الثانية و هكذا حتى نصل إلى الطبقة الرابعة و الأخيرة ندهنوها بالكريمة طبقة خفيفة فقط
بعد ذلك نحضر la crème chantilly بخفق 200 غ غبرة الشونتيي+2 كيسان حليب بارد جدا حتى تصبح كثيفة
ثم ندهن التارت كامل بالشونتيي حتى تتغطى ثم نعمر كيس الحلواني و نبدأ التزيين
أتمنى أن ينال التارت إعجابكم
و لا تبخلوني بدعواتكم لي بالصحة و الهناء
https://fbcdn-sphotos-d-a.akamaihd.n...93518507_n.png
©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى©
