اسهل من هاد la meringue ما كانش و مضمونه مليون بالمئه

السلام عليكم

اولا نحب نشكركم على مجهوداتكم الرائعه
و تعلمت من عندكم وصفات جزائرية هبااال

و على هاديك ما حبيتش نبخل عليكم بتجربتي لوصفة (جزائرية) هبلت ناس كثير و ما نجحتلهمش

و انا منهم كنت كل ما نلقى وصفة (جزائرية) نجربها و ما تنجحليش


البارح جربت وصفة (جزائرية) للمورينق و نجحتلي مئه بالمئة و فرحت بزااااف بالنتيجه

مقرمشة و جافة من الداخل و تذوب فالفم

جربوها يا بنات ما رحش تندمو و ساااااهله و مضمونة نتيجتها

و اللي تجربها و تنجحلها تقولي رايها

هاذي صوره ليها

http://www13.0zz0.com/2014/01/29/15/943270121.jpg


يلا ماراحش نطول عليكم


رح نعطيكم مقادير قليله فقط تجربوها و كي تنجحلكم ضاعفو المقادير ادا حبيتو

اول حاجه تديريها ختي لعزيزة تسخني الفرن تاعك على درجة حرارة 90

تخليه يسخن و تبداي تحضري الوصفة (جزائرية)

لكل بياض بيضتين نحتاجو 125 غ من السكر العادي (و ليس السكر الناعم)

نحتاجو قليل من الليمون باش يطلعلنا البياض مليح

ملون حسب الرغبة

معطر حسب الرغبة ) ماء زهر، فانيليا، معطر الفراوله.........)



اولا نخفق بياض البيض مع الليمون بالباتور بأقل سرعه لما نتحصلو على موس كثيف و متماسك نضيفو السكر على ضربه

يعني فرغوه كااامل

نخلط السكر مع البياض لمدة دقيقه تقريبا بأقل سرعه ثم بعدها نضرب باقصى سرعه حتى يذوب السكر


هنا حبيباتي تلعبو بالذوق و الالوان كيما يحب خاطركم

ملاحظه / الخليط رح تشوفوه شوية سائل يعني ماشي صلب ما تستغربوش لانه النتيجه رح تكون اروع


تجيبو صينيه تحطو فوقها ورق الزبدة و تشكلو المورينق كيما تحبو دوائر صغيره او كبيره انا درتهم صغار

و تدخلوهم الفرن على حرارة 90 درجة مدة ساعتين ( ما تفتحوش الفرن عليهم حتى تعدي ساعتين)

بعدها نخرجوهم من الفرن و نخلوهم يبردو و بالصحة و لهناااا و الاروع فهاد الوصفه انهم يحافظو على لونهم و لمعانهم

ملاحظه/ ممكن نقدومهم للاطفال او لينا او حتى للضياف يقرمشو بيهم

و ممكن تزينو بيهم حلويات اخرى

يلا اجرو جربوهم و قولولي النتائج



https://fbcdn-sphotos-d-a.akamaihd.n...93518507_n.png
©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى©