صباح الانوار وعطر الازهار لاحلى عضوات اليوم جبتلكم طريقة صنع المارشيمللو او حلوة الصوف وما دام راها مازال كاين التشينة هذي فرصة باه تجربوها اليكم المقادير
نصف كوب عصير برتقال
2 ملاعق كبار ليمون
6 ملاعق كبار جيلا تين
3 بياض بيض
2 كيسان سكر
كاس ماء
سكر رطب و مايزينة
الطريقة :
تخلطي عصير البرتقال والليمون ثم الجيلاتين
حطي السكر مع الماء فوق النار كي يغلي احسبي 15 د وطفي عليه
واضيفي خليط الجيلاتين وحركي مليح حتى يتجانس الخليط مليح
طلعي بياض البيض كيما الثلج ومن بعد ابداي تسربي في الخليط وانت مشغلة الخلاط حتى يصبح عندك خليط كثيف جيبي بلاتو حطي فوقو ورق الطبخ جزائري مدهون بالزيت
وسربي الخليط نتاعك
وغطيه من فوق ايضا بورق الطبخ جزائري وخليه حتى ينشف مليح وما تحطيهش في الثلاجة
كي تشوفيه نشف انزعي الورق نتاعك
وديري مزيج من المايزينة والسكر الرطب فوق ورقة طبخ جزائري
واقلبي فيها الحلوى وزيدي ذري عليها من فوق
من بعد قطعيها كيما حبيتي
ملاحظة: تقدري تضيفي أي ملون انا خليتها عادي
تحـــيــــــــــــــــــــــاتي
