باركات meringué بالصور ساهلين واقتصادين

http://nsa32.casimages.com/img/2014/...4344883305.gif
نتمنى تعجبكن وصفة (جزائرية) اليوم وهي حلوة لذيذة ومجربة وناجحة جدا طبعا هي بسيطة ولكن تنفع من اجل التغيير كنت سبق وحطيتها في منتدى اخر ولاقت تجاوب الاخوات وقلت اليوم نحطها لفحلات منتدى ديزاد باتنة
باركات meringué
http://nsa31.casimages.com/img/2014/...4415227962.jpg

مقادير العجينة / 175غ زبدة طرية - 80غ سكر رطب - 250الى 270 فرينة - 2 صفار بيض
مقادير الحشوة / 100 غ نواد كوكو يعني الكوك - 3 ملاعق مربى مشمش
مقادير المورانق / بياض بيضة - 70غ سكر
طريقة التحضير / في وعاء اخلطي الزبدة والسكر الرطب اضيفي الفرينة تدريجيا ثم اضيفي صفار البيض واخلطي جيدا حتى تتماسك العجينة على طاولة مرشوشة بالفرينة . ابسطي العجينة بالحلال بسمك 4 ملم ثم قطعي دوائر بواسطة مول وفي قوالب صغيرة مرشوشة بالفرينة افرشي الدوائر بعدها اثقبي القاع بواسطة شوكة ثم اطهيها نصف طاب لاننا رايحين نرجعوها للفرن مرة اخرى وهذا شكلها من بعد ما خرجناها انا فوت طيابهم شوية نسيتهم المهم نصف طياب

http://nsa32.casimages.com/img/2014/...4357449989.jpg

شرح مفصل طريقة تحضير الحشو / في صحن نضع النواد كوك ونضيف المربى وطبعا وهنا عينك ميزانك ممكن ما اضيفيش 3 ملاعق ممكن اكثر حسب نوع الكوك ادا كان من اللي يشرب ولا لا المهم الصورة توضح ليك كيف لازم يكون الحشو

http://nsa31.casimages.com/img/2014/...4354335567.jpg
شرح مفصل طريقة تحضيرالمورانك / في زلافة نحط بياض البيضة نضربو مليح حتى يصبح كالثلج نضيف السكر تدريجيا وهاهي الصورة توضح
http://nsa31.casimages.com/img/2014/...4359929589.jpg
وبعد ما اصبح كل شي جاهز حبات الباركات - الحشو - المورانق كيما تلاحظي

http://nsa31.casimages.com/img/2014/...0643517387.jpg
نبدو في التزين اولا نعمرو الحشو وسط الحبات لازم نتركو مكان للمورنك يعني نملا نصف الحبة

http://nsa31.casimages.com/img/2014/...4402668882.jpg
بعدها نحطو فوقها المورانك بواسطة ملعقة ونسطحها وبامكانك ايضا تعمليها بالبوش وتخليها مشوكة اختياري

http://nsa31.casimages.com/img/2014/...4408149918.jpg
وندخلها الفرن تحمار من الفوق فقط
http://nsa32.casimages.com/img/2014/...4411235549.jpg
وعندما نخرجها نزينها بخطوط شوكولا رقيقة بواسطة كيس مثقوب ثقبة صغيرة

http://nsa31.casimages.com/img/2014/...4418656386.jpg
وهاهي الحبة من الداخل كيفاش تجي
http://nsa32.casimages.com/img/2014/...4420513057.jpg
نتمنى تجربوها اخواتي الكريمات
المقاديرهادي تعطيك 22 الى 23 حبة
ملاحظة / ممكن ماتكونش وصفة (جزائرية) جديدة ليكم لكن هدا منتدى وفيه مبتدئات
تحياتي



https://fbcdn-sphotos-d-a.akamaihd.n...93518507_n.png
©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى©