تارت au fruits من عند مونية ك بالصور

السلام عليكم
جبتلكم تارت اوفروي
اذا عجبتكم مدولي رايكم
الوصفة (جزائرية)
125 غ زبدة
حبة بيض
لافاني
مغرفة صغيرة لاليفور
فرينة
تخلطي كلشي مع بعض وماتتعجنش ديري الفرينة شوية باش تتكونلك عجينة كي نتاع الصابلي مالازمش تكون يابسة لازم عجينة طرية
تفتحيها وتديريها في مول نتا لي تارت الرقاق مشرشفين تفتحيها الداخل بعد ماتكوني رشيتي غير الفرينة برك وتفتحيها على ليكوتي وتثقبيها بالفرشيطة وتدخليها للفور 10 دقايق ولا ربع ساعة
في هذاك الوقت تديري لاكريم باتيسيير
نص لتر حليب
3 صفار بيض
لافاني
4 مغارف كبار فرينة
6 مغارف كبار سكر
وتخلطي مليح عالبارد وتحطيها فوق النار وتكملي تحركي حتان تثقال لاكريم مليح تنحيها من النار اعصري 2 حبات قارص وخلطيهم مع لاكريم مليح
وكي تطيب لابات نتاعك تخرجيها خليها تبرد شوية وفرغي فوقها لاكريم نتاعك وانا شريت بوات نتاع فواكه مشكلة فرغت من الفوق وتدخليها للفريجيدار تتكل باردة
وهذا شكلها النهائي
http://im15.gulfup.com/aCya1.jpg

وهنا بقاتلي العجينة درت بزاف ضاعفت الكمية درتهم في لي مول صغار نتاع لي تارتولات

http://im28.gulfup.com/bmCX1.jpg
وتقدري تطلعي الابيض نتاع البيض مع مغرفة سكر ورشة ملح تطلعيها كي الثلج وتفرغيها فوقهم قع ولا تزيني كيما تحبي وفي هاذ المرحلة تعاودي ترجعيها للفور باش تحمار مالفوق شوية برك وتخرجيها تخليها تبرد وتحطيها في الفريجيدار لازم تكون باردة عند التقديم

بصحتكم

واش رايكم؟؟http://www.dzbatna.com/images/smilies/mh92.gifhttp://www.dzbatna.com/images/smilies/mh92.gif



https://fbcdn-sphotos-d-a.akamaihd.n...93518507_n.png
©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى©