قولولي كيفاه نديرلها

السلام عليكم صح فطوركم يا لحراير واش راكم دايرين مع القاطو تاع العيد
راني دجيتكم و حابتكم تساعدوني معنديش من غيركم لي يعاوني
هذا يا خواتاتي الفحلات الشاطرات حسبت روحي فحلة و لالات النسا بديت ندير القاطو تاع العيد و قولت ندير كعك مسكر لخاطر خويا لي في فرنسا يموت عليه و حنا رايحين تدزولو سهمو تاع القاطو قبل العيد
المهم علابالي طولت هههههههه حكيت قصة حياتي
يا الخواتاتي المشكل جاني في العجينة تطلق ليدام منين نجي نحلها تتفرتت و معرفتش كيفاه نديرلها
أنا رايحا نعاود عجينة وحدة أخرى بصح غاضتني لقديمة باه نطيشها لي تعرف عفسة نديرها بيها تقولي ربي يعيشكم أنا مالفا نديرو نورمال مشي مالفا تصرالي هكذا هههههههههه كيما قالتها ماما كون جيتي في دار عجوزك كون راهي دارتلك حالا
و جزاكم الله كل خير
و صح فطوركم




https://fbcdn-sphotos-d-a.akamaihd.n...93518507_n.png
©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى©