طورطة الليمون مممممممممممممم رائعة

السلام عليكم و رحمة الله وبركاته
في الحقيقة أنا أعشق طورطة الليمون لكن عمري ما تجرأت وطيبتها خفت ما تصلحليش و نولي ما ناكلهاش هذا المرة كليتها عند أختي الصغيرة و عجبتني ما صدقتش هي ألي خدمتها ضنيت أنها شراتها عطاتني الكيفية و لأاول مرة نطيب طورطة الليمون ما تتشبعش ما نطولش عليكم إليكم الكيفية خاصة للواتي يحبو الليمون و طرطة الليمون la tarte au citron mmmmm
-العجينة / 200غ زبدة طرية + 2 ملاعق كبارسكر قلاسي +رشة ملح + 01 بيضة + الفرينة مع مغرف صغيرة خميرة كميائية خلطي كلش مع بعضاه في الروبو أو حتى بيدك و خليها في الثلاجة لنصف ساعة تكوني حضرتي كريمة الليمون
- كريمة الليمون = 1/2 لتر حليب يكون فايض مسبقا + 2 صفار البيض+ 4 مغارف كبار فرينة + 6 مغارف كبار سكر عادي + عصير 2 قارص + زاست حبة قارص
حطي كل المكونات في كسرونة خلطيهم مليح و من بعد حطيهم على النار حتى تثقال غطيها وحطيها تبرد
نرجعو للعجينة حبيتي تعمليها طرطة واحدة كبيرة أو طورطات صغار حلي لعجين و حطيهاى على المول الي حبيتي من بعد أثقبيها ودخليها للفرن من ذاك طلي عليها إذا تنفخت عودي أثقبيها أو هبطيها بيدك
الميرانغ = 04 بياض بيض طلعيه مليح كاثلج + 02 كيسان سكر عادي زيدي ضربيهم ملليح
لما طيب العجينة نحيها من المول ديريله الريمة و زيديلها الميرانغ غطي بها الكريمة و رجعيها في الفور شعليه من الفوق برك باش تحمارالميرانغ
و انشاء الله تجربوها و تتدعولي و لأختي و هاهي الصور

http://im28.gulfup.com/2014-03-06/1331060871451.jpg
http://im28.gulfup.com/2014-03-06/1331060872302.jpg
http://im28.gulfup.com/2014-03-06/133106087973.jpg



https://fbcdn-sphotos-d-a.akamaihd.n...93518507_n.png
©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى©