تارت بدوق الليمون و شرائح البرتقال

السلام عليكم لبنات ان شاء الله تكونو غايه
هادي خدمتها اليوم و حبيت نشاركها معاكم
ادا عجبتكم نحطلكم لاغوسات
أعطوني رايكم

[IMG]http://www.ii1i.com/uploads7/433d439a49.jpg[/IMG]

http://www.dzbatna.com/images/smilies/mh92.gif
طريقة التحضير
أولا نخدمو كيكة الاسفنجه
المقادير

5 حبات بيض
كوب سكر ناعم
كوب فرينة
1 خميرة القاطو
1 فانيليا
عصير نصف حبة ليمون صغيرة و زاست
التحضير
تفصلي الصفار على البياض و تخدمي كل واحد وحدو
البياض ديريلو رشة ملح صغيرة باش يطلع الثلج مليح و خلطي بالباتور و ضيفي بالتدريج نصف كوب السكر
البياض تطلعيه بالباتور مع نصف الكوب الآخر نتاع السكر و ظيفيلو العصير والزاست
من بعد تولي ديري البياض بشويه على الصفار و خلطي بلطف بمغرف لوح و لازم كي تولي تخلطي متخرجيش المغرف من الخليط كامل و من بعد ديري الساشي نتاع الخماره في كأس الفرينه و ضيفي بشويه
كي تكملي تكوني مسخنه الفرن بدرجه عاليه و داهنه الصينيه بالزبده و راشتها بالفرينة
و كي تدخلي الكيكه هفتي عليها الغاز و تطيب بعقلها
اياكي تحلي عليها الباب و تاني كي تطيب طفي عليها بلا متخرجيها تم تم لازم حتى تبرد الكوشه شويه بويسك الشوك نتاع البرد يخليها تهودلك
و هادي هي كي تطيب
[IMG]http://www.ii1i.com/uploads7/b42ebb1130.jpg[/IMG]

2 لا كرام باتيسيار
نص لتر حليب نفيضو و نخليه على جيهه
يخفق 1 بيض+2 مغارف أكل سكر + 2 مغارف مايزينه + مغرف أكل فلان الفانيليا و شويه عصير ليمون بدرجه عاليه حتى يتضاعف و من بعد نولي نضيف هاداك الحليب على الخليط و نخلط و من بعد نديرهم على نار هادئه حتى تولي كريمه نخليها تبرد مليح
[IMG]http://www.ii1i.com/uploads7/1b534d1d85.jpg[/IMG]

نقسم الكيكه على زوج و ندير الكريمه في الوسط و من الفوق
[IMG]http://www.ii1i.com/uploads7/367ddc3a46.jpg[/IMG]
[IMG]http://www.ii1i.com/uploads7/bb48bfd96d.jpg[/IMG]
3الفلان
ربع كأس عصير الليمون و الي متحبش الحموضيه تخلط نص ماء و نص عصير ليمون
نخلطو مع مغرف أكل سكر و نص ساشي فلان نواره فاني و كي تمتازجو نديرهم فوق النار تم نفرغهم على التارت هكدا حامي بويسك ينشف تم تم
[IMG]http://www.ii1i.com/uploads7/a1c6ca6064.jpg[/IMG]

ملاحظه
الفواكه تديريها كي تبرد لا كرام باتيسيار و هاديك الفواكه ادا كانت النوع الي فيه العصير دري عليه السكر طبعا باش تنشف من الماء و من بعد هاداك الفلان فرغيه على الفواكه و كامل الكيكه
و ديريها في التلاجه و كي ينشف الفلان تولي تبريي

ملاحظه
من الأحسن الكيكه الاسفنجيه تشربيها بالعصير باش تجي شابه أكتر
بهادي الطريقه جات خفيفه بصح ناشفه
و نتمنى الي تعرف كيفاش نخدمو العصير تورلي
نتمنى أفدتكم



https://fbcdn-sphotos-d-a.akamaihd.n...93518507_n.png
©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى©