مسمن بالزبيب و المكسرات

سميد رطب انا نستعمل مولاكس
فرينة في الكغ سميد مثلا كاس فرينة يمكن الاستغناء عنها
ملح ماء فاتر
اعجني المقادير بالماء ادلكي مليح عادي حتى تتحصلي على عجينة طرية ما يابسة ما جارية
ديري كويرات صغار كما الجوز هاد المسمن يجي صغير 10سم على 10سم
خلي الكويرات يرتاحو في سنيوة مدهونة بالزيت
كما العادة تحلي الكويرة و تطبقيها تتحصلي على مربع10سم/10سم
تقليهم و تقطري في كسكاس يجي ناشف
مواد التزيين
50غ عسل عادي
مغرف عسل حر
مغرف سمن الغنم
50غ حلوة الترك
100غ لوز
100غ بيستاش
100غ زبيب
فنجان ماء الزهر+مغرف سكر عادي+فنجان ماء
طيبي الزبيب مع السكر و الماء و ماء الزهر حتى يعقد و يطرى
ستفي المسمن في سنيوة للتقديم رشيه بالزبيب و المكسرات و العسل العادي في الاخير خلطي العسل الحر و السمن الحرة ذايبين من فوق و شهية طيبة يقدم مع الشاي الاخضر بالنعناع



https://fbcdn-sphotos-d-a.akamaihd.n...93518507_n.png
©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى©