السلام عليكن أخواتي .في هذا الموضوع ان شاء الله ستضع كل واحدة اطباق اقتصادية يعني بتكاليف قليلة يستطيع الجميع تجريبها وتكون لذيذة في نفس الوقت وسيقى فهرسا لكل من تريد اعداد طبق اقتصادي.لنا في انتظار مشاركاتكن اذن.
اول طيق سأضعه هو جواز البطاطا بالشيفلو ر
نحتاج الى بطاطا حبيبات شيفلور غليناها غلوة خفيفة معدنوس ثوم وبيض .اولا نقشؤر البطاطا ونقطعها كيما الفريت.نقليها بشوية زيت في طنجرة الضغط نتبل بماح وفلف اسود فقط مع التقلية نضيف حزمة معنوس وراس ثوم صغير مرحي.نمرق قليلا.الشيفلور نكون قدغليناهلمدة5دقائق فقط في ماء فيه سنات ثوم وشوية عصير ليمون.
نضيف الشيفلو ونغلق طنجرة الضغط.
لمايطهىالكل نضيف بيضيتين للطبق ونزين بالمعدنوس
انا الطبق تاعي راح ايكون جواز بالبطاطاوهو اقتصادي وبنيييييين
اربع اوخمس حبات بطاطا نضفيهم وقطعيهم دوائرفي الكوكوط ديري شوي زيت+البطاطا+طماطم حب مقطعة دوائر+ثوم دوائر +الفلفل الاخضر الحار دوائر ثاني+دبشة ومعدنوس مقطعين رقيق +زرقة رند+كسبر مرحي +شوي فلفلكحل للي تحب النكهة تاعووطبعا الملح ونمرق بالماء قيس ما تتغطي البطاطا برك مانكثروش ونغلقو الكوكوط مدة20دقيقة كينفتحوها نلقاو بطاطا مجمرة الله الله وغير شوييييييييييييييييييييييييتاع لاصوص وبصحتكم
ان شاء الله اتجربوها وتعجبكم
انا حطيت هادي الوصفة (جزائرية) قبل ما نشوف موضوعك شكرا وهاهو الرابط للاطلاع
http://www.dzbatna.info/vb/showthread.php?t=1223320
بالمناسبة انا عملت للعشاء خرشف بالبطاطا مرقة بيضاء والله خرج روعة
حبة بصل من التعليم المتوسطة مرحية.5سنات ثوم مرحية.شوية زيت.ملح ف.اسود.راس الحانوت.معدنوس.زعيترة.شوية دجاج.خرشف منقي ومغلي.بطاطا مقشرة ومقطعة قطع من التعليم المتوسطة
نضع كل المقادير عدا الخرشف والبطاطا في قدر يتقلاو على نار هادئة ..ثم نمرق بشوية ماء كي يغلي نرمو الخرشف يطيب وحدو شوية في المرق ثم نضيف البطاطا حتى يطيبو مليح وتخثار المرقة....صدقوني روعة رغم انني لااحب الخرشف اي ناكل البطاطا فقط
وشكرا اختي على الموضوع الرائع
http://www.dzbatna.com/images/smilies/mh31.gifهدا طبق اقتصادي في الجهد والمكونات
نحطو في الكوكوت شوية زيت بصل و ثوم مقطع رقيق لحم دجاج بطاطا وجريوات وجلبانة هدا اللي كان عندي اليوم مغسولين ومقطعين التوابل والطماطم المصبرة ومعدنوس وتمرقيها بالماء
بارد في بارد
كي تغلي تقفلي الكوكوت وتحسبي 25 دقيقة وتحلي تشوفيها وتزيدي الفلفل وتقفلي 5 دقائق اخري وها هو الطبق بالصور
http://im35.gulfup.com/SqQJ1.jpg
http://im35.gulfup.com/hSwGz.jpg
http://im35.gulfup.com/flaiH.jpg
30 دقيقة كافية لانجاز هدا الطبق وراو يجي بنين ياسر والتجربة خير برهانhttp://www.dzbatna.com/images/smilies/19.gif
الاكيد الكل يعرفها. حبات بطاطا . ناخذز راس ثوم في مهراس نضيف فلفل عكري وشوية ملح وفلفل دريس نقليو الدرسة نضيف حبة طماطم مرحية وشوية طماطم مصبرة نمرقو ونضيف البطاطا مقطعة دوائر لما تقارب البطاطا تطيب نضيف السلق مقطع رقيق. يمكن اضافة البيض ليكون الطبق متوازن
هدا رابط لطبق قدمته قبل في النتدي وحبيت نثري بيه هدا الموضوع المفيد للاخوات وان شاء الله يعجبكم
http://www.dzbatna.info/vb/showthread.php?t=1118283
السلام عليكم ..فكرة مليحة أختي مرات تحيري واش تطيبي و يكون عندك مقادير قليلة
وصفتي.. خذي بطاطا قطعيها مكعبات بنفس الحجم أقليها في الزيت من جهة أخرى رابي الطماطم +الثوم و طيبيهم ثم قطعي عليهم البصل الاخضر+المعدنوس و حطي البطاطا تشرب شوية طماطم ثم كسري عليها بيض قدميها مع مايونيز او فرماج ساااهلة و بنينة
الوصفة (جزائرية) الثانية هي قراتان البطاطا قطعي البطاطا دوائر بنفس الحجم حطيها في طنجرة و حطي معاها فرماج أبيض ملح فلفل اسود و غطيها بالحليب خليها حتان تطيب ثم فرغيها في مول تاع الكوشة و ديري فوقها جبن مبشور وحطيها تتحمر شوية
بارك الله فيك موضوع فالقمة
1- أنا عندي قراتان الشوفلور
غلي الشوفلور فالماء من بعد في مول مدهون حطي قطع الشوفلور ثم زيتون أخضر مقطع صغير ثم فرغي عليه البيض و دخليه الفرن
إذا كان عندك لحم دجاج و لا لحم مرحي ديريه طايب
أنا نديرو بلا لحم و ندير نقلي حبات الشوفلور بالبيض قبل و نزيد الفرماج يجي بنين
2- تشكشوكة هايلة
أنا ندريها حتى و نكونو فالشتاء
نقلي حبات فلفة بالملح عادي ثم نحلها القشرة و نقطعها قطع صغيرة
فالمقلة نكرفش2 طماطم يكونو طايبين مليح مع سنات ثوم نتي واش تحبي بنة الثوم زديلها ملعقة طماطم مصبرة و توابل
و زيت متكثريش لخطرش الفلفلة راها مقلية و قلي ذيك الطماطم مليح بلا مديري الماء كي تقرب تنشف كبي الفلفلة و خليها تنشف
تحبي تاكليها هاكاك ولا ديريلها البيض المخفوق
كاش متفكرت راني نرجع
3- قراتان البطاطا و الباذنجال
قطعي كل منهما دوائر و قليهم من بعد في مول مدهون ديري طبقة من البطاطا ثم طبقة من الباذنجال و هاكذا حتى تكمليهم قاع ثم كبي عليهم البيض المخفوق و دخليه الفرن
أذا كان عندك لحم مرحي ديري كمشة حتى و مديريهش عادي يجي بنين يهبل
4- جواز بالشوفلور
غلي قطع الشوفلور و غطسيه فالبيض و قليه
البيض فيه ملعقة فرينة و فلفل و كمون
وجدي المرقة كرفجي حبة بصل و سنات ثوم و ديري الزيت و الملح و الفلفل و الكمون و ملعقة طماطم مصبرة و ديري قطعة دجاج تتقلى فيه من بعد زيدي قطع البطاطا من التعليم المتوسطة الحجم و قطع زرودية مدورة و بلعي الكوكوط حتى يطيب كلشي من بعد طفي عليها راكي تصيبي المرق نشف شوية و عقادت حطي عليهم قطع الشوفلور المقلي و بلعي الكوكوط و خليها حتى للتقديم متغلطوش تكون النار طافية نبلع الكوكوط باش تتخلط كل النكهات مع بعض
أنا في داري كي نشري دجاجة نقطعها و نخبيها فالمجمد و كل منطيب ندير مورسو برك و كي يطيب نفتو فوق الطبق اللي درتو سواء لوبيا ولا عدس ولا قراتان ولا .......
ما شاء الله .... يعطييك الصحة اختي ام محمد يحي على الموضوع جاء في وقتو وخاصة انو الواحد اكره من الكوزينة ومن الروتين وزيديلها غلاء المعيشة هههههه المهم بارك الله فيك ان شاء الله نفيدو ونستفادو من بعضانا .....
اليوم كنت مزروبة وما كانش الوقت درتلهم لا بيري .... 3 حبات بطاطا مقشرين ومغليين في شوية ملح وبعد ما طابو زدتلهم شوية فرماج وشوية زبدة وشوية حليب ذرة فلفل اسود والى الروبو ..لاصوص ما كانش اللحم امالا درت علبة سردين طماطم من الفوق وشوية معدنوس ( ولدي دار التون ) .... طولت عليكم سمحولي
سلامي
كباب تاعي بلا حمص
أنا نطيبو هاكا لخطرش كاين اللي ميحبش الحمص
طيبت مورصو صدر في مرق أبيض من بعد قليت البطاطا و فتت عليها المورصو تاع اللحم
من بعد درت البيض كيما نديروه فالكباب
المرقة منكثرش ندير غير شوية و كي يطيب البيض تزيد تنشف و تبقى فيها بنة هايلة حتى بنة البطاطا المقلية متتخباش كلي مدرتش قاع البيض. هاكم الصور
http://store2.up-00.com/Nov12/KN719734.jpg
http://store2.up-00.com/Nov12/0pQ19906.jpg
http://store2.up-00.com/Nov12/ET319970.jpg
طبق الخلوطة
نصع في طنجرة الزيت الملح والفلفل الاسود والفلفل الاحمر نضيف الحمص والفول حبات + الابصل مقطع صغير + الثوم سنة البطاطا مقطعة كبيرة + حبة بدنجان مقطعة طوليا + حبة قرعة مقطعة كبير + حبة طماطم مقطعة صغير نترك الكل يتقلى ولو كان موجود لوبيا خضراء كمشة منها بعد ما تتقلى جيدا نضيف كوب الى كوب ونصف ماء حسب كمية الخضر وكي تطيب نطفي النار بعد ما تكون المرعة عاقدة
السلام عليكم
عجبني الموضوع وحبيت نشارك معكم بوصفات جزائرية بسيطة وهذي أول مشاركة ليا
شكشوكة
الكمية على حسب عدد أفراد الأسرة فقط البطاطا تكون بكمية أكثر
البطاطا تقطع كيما الفريت القرعةأو الجريوات تقطع دوائر رقيقة والبصل جوانح
تملح وتقلي (مع بعض) من جهة أخرى نرحي حبات طماطم تكون حمراء ونقليها مع زيت ثوم وفلفل أكحل والتوابل حسب الذوق وقصبر
بعدها نصفيو البطاطا والقرعة والبصل الى قلينا ونضيفولهم الطماطم ونخلطوهم تحبو تاكلوها هكذا أو تزيدو ديرو عليها البيض وتجي هكذا أحسن وترش بالقليل من الفلفل الأسود يعطيها طعم رائع وبالصحة والهناء
بطاطا بالثوم
ثوم مدقق أو مقطع رقيييق نحطوه يتقلى مع زيت وتوابل نضيفو شوية طماطم مصبرة وماء تغلي شوية ونزيدولها بطاطا مقطعة مكعبات شوية كبيرة غير طيب البطاطا وتخثار المرقة نطفو نزينوها بالمعدنوس أو القصبر وبالصحة والراحة
وكل مانتفكر وصفة (جزائرية) نشارك بيها ان شاء الله
وشكرااا جزيلا لصاحبة الموضوع وكل وحدة فادتنا بوصفة (جزائرية)
قراتان البطاطا مع السلق
1- قليت حوالي 1.5كغ بطاطا و قطعت وفورت 2 ربطات سلق و عصرتهم مليح من الماء
2- في إناء حطيت البطاطا و معاها الملح + ثوم مرابي +فلفل أسود + 6 بيضات + قطع جبن ( اختياري ) وخلطت
3- في إناء آخر حطيت السلق ومعاه 3 بيضات و ملح وثوم مرابي وخلطت
4- دهنت المول نتاع الفور بالزبدة و رشيتو بالخبز المبشور )و اللي عندها ممكن تحط ورق زبدة إذا حبت تقلب القراتان فيما بعد )
5- حطيت 1/2 كمية البطاطا على شكل طبقة ثم السلق ثم باقي البطاطا
6- دخلتها للفرن حتى يجمد الخليط و خرجتها قطعتها و قدمتها مع صلصة حارة لأم رامي ( 2 حبات فلفل حار + 1 حبة طماطم كبيرة رحيتهم في الروبو و حطيت شوية زيت و قليتهم مع شوية ثوم وملح + 2 مغارف هريسة ) ، ممكن تخلطو فيها 2 ملاعق زيت زيتون جي بنينة والحار ما يضرش .
هاهي :
http://www.up.dzbatna.info/uploads/136246856067541.jpg
ملاحظة : هذا الطبق لازم يقدم مع سلطة
هذا طبقي المفضل و هو طبق بو مفور أو المقفول ، راهو اقتصادي وبنيييييين http://www.dzbatna.com/images/smilies/19.gif ،
هذا رابط الوضوع نتاعي : http://www.dzbatna.info/vb/showthread.php?t=1218298
https://fbcdn-sphotos-d-a.akamaihd.n...93518507_n.png
©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى©
