ارووووووع خبز الدار بالخطوات من المطبخ جزائري الجزائري

السلام عليكم اخوتي
حبيت اليوم نشاركم وصفة (جزائرية) خبز الدار بطريقتي صراحة كلمة روعة قليلة فيه يجي طالع وخفيف لي يذوقو عندي يطلب الوصفة (جزائرية) ان شاء الله نتوماتاني يعجبكم وتجربوه
المقادير:
راح نعطيكم المقادير لقرصة واحدة لي نطيبها في البلاطو نتاع الكويزينيار

انا نكيل بعلبة مرقرين صغيرة نتاع250 غ ولي حابة تعمل عينها ميزانها
2كيلات دقيق من النوع الممتاز
كيلة فرينة
ملح
م ك سكر
ملعقة صغيرة ونص خميرة الخبز
فنجال قهوة زيت
3 الى 4 م ك حليب غبرة
سنوج
ماء دافيء

http://http://cdn.top4top.net/i_f40fa278301.jpg

نخلط المقادير مع بعض ونلم بالماء حتى نتحصل على عجينةمتماسكة مالازمش تكزن جارية

http://http://cdn.top4top.net/i_3a3d10ef4d1.jpg

نعجنها جيدا من بعد نبدا نضيف الماء الدافيء تدريجيا مع الاستمرار في العجن حتى نتحصل على عجينة تتلاصق نوعا في الايدي

http://http://cdn.top4top.net/i_2415f94dd11.jpg

نغطيها ونخليها تختمر
بعدها نضيفلها نصف باكي خميرة وبياض بيضة والصفار نحتفظ به لدهن الخبز وقطعة زبدة حوالي نصف ملعقة ونعجن حتى تتداخل المقادير

http://http://cdn.top4top.net/i_bceea884a21.jpg

ندهن البلاطو نتاع الكويزنيار بالزبدة ونحط كويرة العجين داخله ونغطيها ونخليها 5د من بعد نبسطها

http://http://cdn.top4top.net/i_3ac78d53f81.jpg

نغطيها ونخليها تختمر حتى يتضاعف حجمها

http://http://cdn.top4top.net/i_e528e345a01.jpg

نخلط صفار البيضة مع م ص حليب وقطرات خل وندهن غير بالعقل الخبر باه مانخرجش الهواء منه ونرش عليه السنوج والجلجلانية او نكتفي بالسنوج فقط ونثقبوه بالكوردن عدة ثقبات مانكثروش بزاف

http://http://cdn.top4top.net/i_7b684711171.jpg


ندخل لفرن يكون مسخن مسبقا على اقصى درجة كي يطيب من تحت نشعل عليه من فوق حتى يتحمر بعد مايطيب مباشرة نحط فوق مشبك يبرد مانخليهش في البلاطو باه مايتنداش

http://http://cdn.top4top.net/i_ca62e9e7691.jpg

نخليه يبرد شوية مانقطعوهش وهو سخون ونقدمه

http://http://cdn.top4top.net/i_60387537ae1.jpg

عن قرب اممممم لاحظو الثقوب

http://http://cdn.top4top.net/i_2e625e39e41.jpg

نتمنى تعجبكم الوصفة (جزائرية) وتجربوها وتنجحوا فيها
في امان الله



https://fbcdn-sphotos-d-a.akamaihd.n...93518507_n.png
©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى©