لي مجربتوش راحت عليها

صباح الفل والياسمين على الياسمينات لبارح درت طاجين بطاطا بالبيشامال والصراحة راهوا من الاطباق التقليدية في عيلتنا لانوا جداتي ربي يخليهالي هي لي كانت ديرهولنا قبل و انا ملي صغيرة نموت عليه وحبيت نحطوا للي ميعرفوهش
بدون اطالة

مقادير البيشامال=
2 مغارف كبارزبدة
2مغارف كبار فرينة
نصف لتر حليب
6حبات فرماج انا استعملت لفاش كيري و لي تحب تنقص تنقص انا نحب نزيدلوا الفرماج باه يجي بنين
فص صغير ثوم ماشي كبير اذا كان كبير ديري نصف فقط لانوا نديروه للبنة فقط باه ميغلبش طعموا على الفورماج
ملح عبنك ميزانك متكثريش لانوا الفورماج مالح

تذوبي الزبدة و تحطي الفرينة تقليها شوي برك ثواني باه متتحرقش وضفي معاها الثوم و الملح و بعد تنحيه من النار و تصبي شوي برك تع حليب تحلي فيه الفرينة باه متتكتلش و تبقاي تصبي و تخلطي حتى تكملي كمية الحليب والفرينة تتحل متتكتلش و ترجعيه فوق النار تضيفي كيمية الفورماج و تبداي تخلطي متتوقفيش حتى يختار اذا شفتيه بدا يغلي ويدير في الفقعات معناه راهوا جاهز

ملاحظة=حنونتي نسيت باه نبهك دريه هوالاخير خلاص بعدما تجهزي كلش لانوا كي يبرد راح يجمد و اذا جمدلك معليش حطيه فوق النار وزيدوا غير شوي تع حليب وخلطيه يرجع كيما كان

بقية المقادير= كتبها بقية لانوا الباقي ساهل

ديري صوص حمرة بالدجاج والا اللحم مرحي و خليها تخثار مليح تولي كيما صوص تع المقرونة

اقلي البطاطا على شكل دوائر

نحي هداك الدجاج من لصوص وفتفتيه اما الللحم المرحي بلا منقولك حنونتي مكلاه تصفيه دريه باللصوص

ونخليكم الان مع الصور=http://www.cheesebuerger.de/images/more/bigs/c045.gif

حطي كمية من البيشامال في قعر المولhttp://www.up.dzbatna.info/uploads/136791311528511.jpg

ومن فوقوا البطاطا لي قليتيهاhttp://www.up.dzbatna.info/uploads/136791406297471.jpg

ومن بعد تحطي طبقة الدجاج و الصوص وكيما راكي تلاحظي خاثرة ماهيش جارية و هذي الخطوة مهمة باه يجيك جامد ماشي جاريhttp://www.up.dzbatna.info/uploads/136791414081851.jpg

و زيدي طبقة تع بيشامال http://www.up.dzbatna.info/uploads/136791426892151.jpg
و بع الفورماج http://www.up.dzbatna.info/uploads/136791436131961.jpg

http://www.up.dzbatna.info/uploads/136791447814991.jpg

ديري طبقة اخرى تع بطاطاhttp://www.up.dzbatna.info/uploads/136791455983041.jpg

واخيراا طبقة من البيشامالhttp://www.up.dzbatna.info/uploads/136791461713781.jpg

و رشة تع فورماجhttp://www.up.dzbatna.info/uploads/136791471360221.jpg

والى الفرن http://www.cheesebuerger.de/images/more/bigs/e044.gif

وهذا بعد ما خرج من الفرن ممممممممممممممممم مصبرتش كليتوا وهو سخونhttp://www.up.dzbatna.info/uploads/136791482984981.jpg

لي مداقتوش من قبل غير ديروا والله روعة ممممممممم جربوه وقولوللي
و هيا درك راني نستني في رايكم واش لحباب عجبكم والا لاhttp://www.cheesebuerger.de/images/more/bigs/e076.gif

هيا قولوليhttp://www.cheesebuerger.de/images/more/bigs/a032.gif
http://www.cheesebuerger.de/images/more/bigs/a037.gif



https://fbcdn-sphotos-d-a.akamaihd.n...93518507_n.png
©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى©