السلام عليكن اخواتي
نظرا للتشجيعات اللي لقيتها منكم والثقة اللي وضعتوها فيا وفي مانقدمو راني عند وعدي ونقدملكم غير الجديد والمضمون بحول الله
واليوم حبيت نقدملكم 3 انواع من المعجنات حتى يتسنى لكل اخت تطبيقها حسب المتوفر في البيت وبصراحة تصلح للمناسبات والعرضات لان احنا في جيهتنا نقدمو حاجة مالحة مع المشروبات والكريمات كي تكون عرضة ولا فاتحة وفي اغلب الاحيان نقدمو لي فول اوفو لكن انا بدلت شوية ورجعت نقدم باقلاوة مالحة راح نعلمهالكم في الايام المقبلة ولا نقدم المعجنات اللي راح نبدا فيها الآن بحول الله خاصة اللي شكلها وردة نحطها في ليكيسات ونقدمها مع العصير اما الخبزات الصغار او البتي بان صالي يصلح لعمل الساندويتشات بما اننا في فصل الصيف
بســم الله
ااولا الوردة +الكروكي المحشي
العجينة هي نفسها اللي متعودين نعملوها
كاس حليب دافئ+مغرف كبيرة خميرة الخبز+مغرف كبيرة سكر+فنجال مليان زيت او ربع كوب اللي كيلت بيه الحليب+ملح
خلطي كل المقادير وزيدي كاس فرينة وخلطي بملعقة الخشب غطي الصحن بكيس وخليه 5د ثم زيدي باقي الفرينة وخلطي حتى تتحصلي على عجينة طرية ادهنيها بالزيت وحطيها في كيس وخليها تتخمر
كي تتخمر اقسميها
http://sphotos-b.ak.fbcdn.net/hphoto...42494147_n.jpg
نبدا التشكيل
خذي كمية من العجينة حليها رقيقة مهم تحليها رقيقة وقطعيها بشكل دائري
http://sphotos-h.ak.fbcdn.net/hphoto...37708362_n.jpg
بالجرارة او السكين قطعيها من الجهات الاربعة من غير ماتوصلي للوسط
http://sphotos-c.ak.fbcdn.net/hphoto...90196833_n.jpg
ادهنيها بالبيض وحطي في الوسط اما قطعة جبن او قطعة مرقاز طايبة او لحم مفروم على شكل اصابع مقلي او قطع من الكاشير او الباتي المهم حسب الرغبة
http://sphotos-e.ak.fbcdn.net/hphoto...15658220_n.jpg
http://sphotos-a.ak.fbcdn.net/hphoto...45176139_n.jpg
اغلقيها حسب الصور بالترتيب
http://sphotos-a.ak.fbcdn.net/hphoto...89684679_n.jpg
http://sphotos-b.ak.fbcdn.net/hphoto...11460264_n.jpg
http://sphotos-g.ak.fbcdn.net/hphoto...69786383_n.jpg
http://sphotos-h.ak.fbcdn.net/hphoto...42044252_n.jpg
حطي الوردات في المول نتاع الكاب كيك المدهون بالزبدة انا استعملت المول حتى تحافض على شكلها اللي ماعندهاش ممكن تستعمل بلا بيه لكن راح تتحل الوردات كي تكون اتطيب ويتغير شكلها
http://sphotos-c.ak.fbcdn.net/hphoto...15605540_n.jpg
http://sphotos-d.ak.fbcdn.net/hphoto...38930464_n.jpg
http://sphotos-e.ak.fbcdn.net/hphoto...36273229_n.jpg
دخليها مباشرة لفرن ساخن حتى تاخد اللون الذهبي
انا عند التقديم دهنتها بشوية زبدة دايبة حتى تجي تلمع وماكانوش عندي ليكيسات
http://sphotos-d.ak.fbcdn.net/hphoto...29609961_n.jpg
http://sphotos-a.ak.fbcdn.net/hphoto...37975722_n.jpg
http://sphotos-b.xx.fbcdn.net/hphoto...17555063_n.jpg
http://sphotos-f.ak.fbcdn.net/hphoto...80727134_n.jpg
النوع الثاني الكروكي المحشي
اللي بقالك من العجينة حليه بشكل مستطيل ومهم جدا تكون العجينة رقيقة حتى ماتجيش معجنة
http://sphotos-h.ak.fbcdn.net/hphoto...44709650_n.jpg
ديري طبقات من الحشو حسب الرغبة
http://sphotos-b.ak.fbcdn.net/hphoto...59945803_n.jpg
ولفيها كيما الصور
http://sphotos-e.ak.fbcdn.net/hphoto...75269188_n.jpg
http://sphotos-b.ak.fbcdn.net/hphoto...82625548_n.jpg
تتحصلي على حربوش
http://sphotos-h.ak.fbcdn.net/hphoto...30808799_n.jpg
ادهنيه بصفار بيضة مخلط مع ملعقة قهوة ورشي جلجلان وسينوج ودخليه مباشرة للفرن حتى يتحمر
http://sphotos-c.ak.fbcdn.net/hphoto...69797366_n.jpg
كي تخرجيه خليه يبرد شوية وقطعيه كي الكروكي
http://sphotos-e.ak.fbcdn.net/hphoto...89724076_n.jpg
http://sphotos-g.ak.fbcdn.net/hphoto...37587548_n.jpg
http://sphotos-f.ak.fbcdn.net/hphoto...41214333_n.jpg
النوع الثالث بتي بان صالي او خبزات صغيرة مالحة تصلح لعمل الساندويتشات
العجينة تقريبا نفسها مع اختلاف بسيط
كاس حليب دافئ+مغرف كبيرة خميرة الخبز+مغرف كبيرة سكر +ملح+ بيضة كاملة
خلطي كل المقادير
http://sphotos-b.ak.fbcdn.net/hphoto...31667095_n.jpg
وزيدي كاس فرينة وخلطي بملعقة الخشب غطي الصحن بكيس وخليه 5د ثم زيدي باقي الفرينة + 1خميرة الحلوى وخلطي حتى تتحصلي على عجينة طرية
زيديلها 4 ملاعق زبدة التوريق ذايبة بالتدريج مع العجن
http://sphotos-e.ak.fbcdn.net/hphoto...14426945_n.jpg
حتى تدخل الزبدة فيها مليح حتى تتحصلي على عجينة طرية
http://sphotos-h.ak.fbcdn.net/hphoto...73888839_n.jpg
غطيها بالكيس وخليها تختمر
http://sphotos-c.ak.fbcdn.net/hphoto...80279804_n.jpg
كي تختمر نزلي العجينة من غير ماتعجنيها
http://sphotos-g.ak.fbcdn.net/hphoto...34851877_n.jpg
بالسكين قطعيها على2تم عل4 ثم على 8
http://sphotos-b.ak.fbcdn.net/hphoto...38039028_n.jpg
تتحصلي على كويرات
http://sphotos-h.ak.fbcdn.net/hphoto...48899548_n.jpg
شكليها حسب الصور وهادي طريقة تعرف باسم الاونفلوب او البلوف او الضرف ومعضم الشيفات معتمدينها في تشكيل الساندويتشات حتى تجي خفيفة ومورقة من الوسط
حلي الكويرة بشكل دائري
اغلقيها من الجيهتين
http://sphotos-e.ak.fbcdn.net/hphoto...93423652_n.jpg
لمي الجيهتين واغلقي بصبعك
http://sphotos-a.ak.fbcdn.net/hphoto...66108012_n.jpg
http://sphotos-g.ak.fbcdn.net/hphoto...87401945_n.jpg
عدليها حتى تاخذ شكل الخبز
وماتنسايش تحطي الجيهة اللي غلقنا منها لتحت
رشي البلاطو بالفرينة
http://sphotos-c.ak.fbcdn.net/hphoto...41596665_n.jpg
وادهني الخبزات بصفار بيضة +مغرف قهوةواعملي خطوط بالسكين حتى تساعد في عملية التخمير
http://sphotos-f.ak.fbcdn.net/hphoto...88847554_n.jpg
رشي الجلجلان والسينوج
سخني شوية الفرن وطفيه ثم دخلي السنيوة اللي فيها الحبات في الفرن الدافي حتى يتضاعف حجمها ممكن شي 20دقيقة
http://sphotos-a.ak.fbcdn.net/hphoto...01874026_n.jpg
http://sphotos-b.ak.fbcdn.net/hphoto...53727733_n.jpg
خرجيها وسخني الفور مليح ملح ودخليها حتى تتحمر
http://sphotos-g.ak.fbcdn.net/hphoto...90000026_n.jpg
http://sphotos-d.ak.fbcdn.net/hphoto...53292626_n.jpg
كي تبرد حليها بالسكين بطريقة طولية واحشيها حسب الموجود
http://sphotos-f.ak.fbcdn.net/hphoto...68944020_n.jpg
انا حشيتها بسلاطة خضراء
وفوقها شرائح طماطم وفوقها شوية بطاطا مقليق وفوقها كمية من اللحم المفروم اللي قليتو مع شوية زبدة وشوية معدنوس وسنة ثوم وكي تحمر صبيت فوقو 2 بيضات وملح وخلطت مليح انا نحبهم نصف طياب وعملتهم كطبقة وفي الاخير حطيت فوقهم طبقة جبن
ملاحظة
ادا تحبي الخبزات يكون اكبر حجما قسمي العجينة على 5 ولا على 6 فقط وكملي بنفس الخطوات
وما تنساوش تنوروني برايكم وبتقييمكم وبتطبيقاتكم واهم حاجة دعواتكم ليا بالذرية الصالحة
https://fbcdn-sphotos-d-a.akamaihd.n...93518507_n.png
©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى©