باني بالدجاح "pané au poulet " من المطبخ جزائري الجزائري

السلام عليكم
واش راكم
بعد ان حطيت طاولتنا للأفطار اللي كانت في هذا الموضوع
http://www.dzbatna.info/vb/showthread.php?t=1363756
و شفت طلبكم على وصفة (جزائرية) الباني
والله غير هايلة انا دايما نعملها و خاصة كي يجو ضياف كامل عجبتهم و طلبو والوصفة (جزائرية) و حتى ولد خالتي الصغير سماها معقودة ايمان
و نحطها مرات مرفقة مع الجلبانة ولا وحدها كيما تحبو
http://im39.gulfup.com/gNYcP.jpg
نعطيكم الوصفة (جزائرية)

المقادير
1 أبيض دجاح
حبة بصل
ملعقة زبدة اوزيت
فلفل اسود
عود قرفة صغير
ملح
بيض
فرينة
خبز يابس مرحي
زيت للقلي
صلصة اليشاميل :
(60 غ مالغارين ،60 غ فرينة ، نص لتر حليب ، جبن انا نعمل 3 حبات لافاش كي ري ، ملح ،فلفل اسود )

الطريقة
في طنجرة ضعي الدجاح ، الزبدة ، البصلة البشورة الملح و الفلفل و القرفة قليهم مليح و زيدي الماء و خليهم حتى يطيب الجاج
في حين حضري صلصة البشامال بطريقة عادية راهم عندك المقادير راهي تجي بزاف عاقدة مثل البيري و اللي متعرفش تسألني و نقولها الطريقة
في وعاء فتي الدجاج ،اضيفي صلصة البيشامال و خلطيهم مليح و خليها تبرد مرات بديرها فالمجمد تقدري تزيدي الجبن المبشور انا منزيدش
انا نشكل كرات ولا نرفد بالمغرف نديرهم فالفارينة و البيض و الشابلير و تما باش نديرهم صبيعات باش ميغبنونيش و نقليهم
وهاهم فوق الطابلة
http://im39.gulfup.com/fIf2i.jpg
وهنا قسمت حبة باش تشوفوها
http://im39.gulfup.com/T8HAr.jpg

http://im39.gulfup.com/Rn7ZB.jpg

http://im39.gulfup.com/Li2sW.jpg

و نقولكم سر ههه انا السردة نتاع الجاج نديرها طيب مرات فالحريرة ولا مع الجلبانة وخلاص ياك نحتاجها غير هي و من بعد نفتتها واش يقدني نطيب كل حاجة وحدها ههه

في انتظار تطبيقكم
تقبلو تحياتي
صحا فطوركم و صحا صحوركم
http://im39.gulfup.com/24rJd.jpg



https://fbcdn-sphotos-d-a.akamaihd.n...93518507_n.png
©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى©