السلام عليكم يا حراير ، كيما تعرفو هاذو ليام الثلج راهو داير حالة هنا في سطيف ، وحرت البارح مع هذا البرد واش ندير للعشاء ، خممت نطبق وصفة (جزائرية) كسرة الشحمة نتاع الشاوية بصح قلت راهي ثقيلة ومن بعد قلت ندير المطلوع المحشي نتاع أم رامي مالقيتش عندي المكونات نتاع الوصفة (جزائرية) وغاضني بابا نخرجو في هذا الثلج يشريلي ، قلت و علاش ما نديرش مطلوع الشحمة يجي بنين وخفيف على الكسرة و مليح في هذا البرد .
1- حضرت عجينة مطلوع عادية ( شرينا دقيق نتاع قزوط يهبببل ، المطلوع نتاعو روووعة ). درت 8 قرصات صغار ، طاحو كتافي وانا نعجن.
2- حضرت الحشوة : ذوبت كمية مليحة نتاع شحمة و قليت فيها 3 حبات بصل أخضر كبار + 3 حبات جزر مرابيين ( مسكرفجين) + 5 فصوص ثوم مقطع + شوية فلفل حار مقطع رقيق + دبشة مقطعة رقيقة + شوية ملح ( مل تكثريش لأن الشحمة مالحة )، كي ذبلو مليح أضفت 3 حبات طماطم من التعليم المتوسطين مقشرين ومرحيين + هريسة + فلفل أحمر + كسبر + حبة حلاوة +رند ، كي يطيبو مليح ذوقي إذا تحتاج تزيدي ملح زيدي .
3- نطرح القرصة الأولى و الثانية رقاق ونحط الحشو فوق وحدة ونغطيها بالقرصة الثانية و نغلق الجوانب مليح وإذا تحتاج تزيدي تطرحيها زيدي أطرحيها شوية وهكذا حتى نكمل .
4- نطيبها في الطاجين نتاع المطلوع ونحاول ما نحركهاش بزاف وما نقلبهاش حتى الطيب مليح باش ما تتحلش، أنا جاوني القرصات كبار قد الطاجين ( مع أن الطاجين نتاعي كبير ). تحصلت على 4 قرصات كباااار ، شوفو القرصة قدماش كبيرة:
http://www.up.dzbatna.info/uploads/136065474216842.jpg
شوفو شحال هشوش من داخل :
http://www.up.dzbatna.info/uploads/13606547422233.jpg
هنا قطعتهم ، مدو يديكم ما تحشموش راهو الخير بزاف
http://www.dzbatna.com/images/smilies/1.gif :
http://www.up.dzbatna.info/uploads/136065474213031.jpg
راهي بنييينة
http://www.dzbatna.com/images/smilies/19.gif ، جربوها خصوصا في هذا البرد
http://www.dzbatna.com/images/smilies/mh31.gif