كاب كيك الدجاج بالسلق-من المطبخ جزائري الجزائري ومن ابداعي

السلام عليكن اخواتي ليوم حبيت نقدملكم طريقة من ابداعي بسكالوب نتاع الدجاج ولا الداند حسب الرغبة وسعرو راهو في متناول الجميع هاذ الايام مالا راهي فرصة تجربو هاد الطبق اللي هو عبارة على قوالب صغيرة من الدجاج ومحشية بالسلق والجبن ومزينة بالبطاطا المرحية توالم العرضات وتحمر الوجه قدام الضياف خاصة انها محشية من الداخل يعني مفاجئة في الوسط نتمنى يعجبكم وراهي فرصة حتى تخليو اولادكم ياكلو السلق لان فوائدو كثيرة ومليان بالالياف نخليكم مع الطريقة



ااولا توجدي صوص بيضاء ولا حمراء حسب الرغبة انا عملت صوص روج من وجه التغيير لكن انا في ذوقي الشخصي نفضل الصوص البيضاء مع هاد الطبق وكل وحدة وذوق عائلتها
اما الحشو تجيبي كمية من السلق انا عملت نصف ربطة كبيرة تغسليه مليح وتنشفيه تماما من الماء وتحطيه في مقلات مع ملعقة زبدة و2سنات ثوم وشوية ملح وفلفل اسود

http://sphotos-e.ak.fbcdn.net/hphoto...27174527_n.jpg

وتخلطيه على نار هاادئة حتى يذبل ويتقلص ويطيب

http://sphotos-c.ak.fbcdn.net/hphoto...63465192_n.jpg
تخليه يبرد وتزيديلو بيضة او اكثر حسب حجم السلق اللي عندك انا خذا مني بيضة كاملة + صفار وتزيديلة 100غ جبن طري من الاحسن انا ماكاش عندي الطري عملت القرويار او الجبن المبروش زيدي شوية ملح وخليه على جنب

http://sphotos-a.ak.fbcdn.net/hphoto...06764964_n.jpg
نرجعو للدجاج تقطعيه وترحيه بالتدريج مع 3سنات ثوم وشوية معدنوس مقطع

http://sphotos-b.ak.fbcdn.net/hphoto...88963760_n.jpg
كي ترحيه كامل على مراحل زيديلو بيضة وملح وفلفل اسود وخلطي الكل

http://sphotos-g.ak.fbcdn.net/hphoto...14141236_n.jpg
ادهني لي مول نتاع ليمادلان او الكاب كايك بالزبدة ورشيه بالخبز المرحي او الشابلير

http://sphotos-d.ak.fbcdn.net/hphoto...71204616_n.jpg
اعملي كويرات من الدجاج المرحي وادهني صباعك بالزيت وحليها في هادوك القوالب الفردية والزيت يسهلك العملية لان الدجاج يلصق في الاصابع ولا في الكف نتاع يدك كيما الصورة

http://sphotos-b.ak.fbcdn.net/hphoto...31965926_n.jpg
حطي في كل وحدة ملعقة من خليط السلق والجبن
د
http://sphotos-h.ak.fbcdn.net/hphoto...76655206_n.jpg
واغلقي بكرية تكوني حليتيها في كف يدك من الدجاج المرحي

http://sphotos-a.ak.fbcdn.net/hphoto...86950497_n.jpg
عدلي الوجه بيدك ودخليهم لفرن ساخن من فوق وتحت حتى تشوفي الحواشي بدات تتحمر ماياخدش وقت بزاف حتى مايوليش ناشف
في هدا الوقت حطي 2 حبات كبار بطاطا بالقشور في ماي يغليو حتى يطيبو قشريهم واهرسيهم بالفرشيطة وزيديلهم مغرف صغيرة زبدة وملح و2ملاعق حليب وخلطيهم شوية بالباتور حتى تتنحى الكتل لكن البطاطا تبقى ثقيلة ملازمش تكون خفيفة كي لابيري خليها تبرد وحطيها في الكيس الحلواني او لابوش آدوي

http://sphotos-g.ak.fbcdn.net/hphoto...78210698_n.jpg
كي تطيب حبات الدجاج ديموليها وخرجيها بلطف من القوالب وزينيها بوردات من البطاطا المهروسة كيما الصورة وفوق كل حبة نصف حبة زيتون اسود او اخضر
رجعيها لفرن ساخن جدا تحت الشواية مباشرة حتى تزيد تتحمر من فوق

http://sphotos-e.ak.fbcdn.net/hphoto...73901863_n.jpg

قدميها مع الصوص اللي وجدتيها ادا الصوص روج زينيها بالدبشة او الحشيش وادا الصوص بلونش زينيها بالمعدنوس المقطع وهذا الشكل النهائي
http://sphotos-c.ak.fbcdn.net/hphoto...60044693_n.jpg


http://sphotos-b.ak.fbcdn.net/hphoto...79982743_n.jpg

وهادي الحبة من الخرج ومن الداخل

http://sphotos-h.ak.fbcdn.net/hphoto...59953734_n.jpg

http://sphotos-f.ak.fbcdn.net/hphoto...39720035_n.jpg

ملاحظة ادا ماعندكش القوالب الفردية نتاع الكب كيك ممكن تعمليها في مول عادي نتاع الزجاج اللي نعملو فيه التارت اعملي نفس الخطوات وراح تتحصلي على تارت كبيرة تجي روعة راني عملتها من قبل وتجي روعة حتى في المنظر
ادا ماعندكش السكالوب ممكن تعمليها باللحم المفروم وتجي لذيييييييذة عن تجربة
ادا ماتحبيش السلق ممكن تشوحي حبة بصل كبيرة مقطعة مربعات في شوية زيت حتى تذبل خليها تبرد وزيديلها كمية مليحة من المعدنوس والملح والفلفل اسود وبيضة مخفوقة وجبن طري خلطي الكل واعمليه كحشو في مكان السلق وممكن حتى تضيفيلها جلبانة مفورة



https://fbcdn-sphotos-d-a.akamaihd.n...93518507_n.png
©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى©